ފާރު ތަޅާލައި، ހިޔާގެ ދެ އެއާޕާޓްމަންޓު އެއްކޮށްލުމުން ޖުމްލަ ދެ ލައްކަ ރުފިޔާގެ ޖުރިމަނާއެއް

ހިޔާ ފްލެޓުތަކުގެ އިމާރާތެއްގައި ދެ އެޕާޓްމަންޓު އެއްކޮލި މައްސަލައެއް ފެންމަތިވެ، އެއްލައްކަ ރުފިޔާއިން ޖުރިމަނާކޮށްފި އެވެ.

މީޑިއާތަކަށް މައުލޫމާތު ދެމުން އާބަންކޯއިން މިއަދު ބުނީ ހިޔާ ފްލެޓުތަކުގެ އިމާރާތެއްގައި ދެ އެޕާޓްމަންޓް އެއްކޮށްލައިގެން ހަދާފައިވާކަމުގެ ރިޕޯޓު އެ ކޯޕަރޭޝަނަށް ލިބުމާއިގުޅިގެން، މައްސަލަ ބަލާފައިވާ ކަމަށެވެ.

އާބަންކޯއިން ބުނީ އިމާރާތުގެ އިންޓީރިއަރ ހެދުމުގެ މަސައްކަތް ކުރި އިރު، އެކުލަވާލި އުސޫލުތަކާއި ހިލާފަށް ދެ ފްލެޓު ވެސް ލިބިފައިވާ މީހުން މެދު ފާރު ތަޅާލައި، 4 ކޮޓަރީގެ އެއް އެޕާޓްމަންޓަކަށް ބަދަލުކޮށްފައިވާކަމަށެވެ. އެހެންވެ މައްސަލަ ބެލުމަށް ފަހު ކޮންމެ އެޕާޓްމަންޓެއް، 100،000 ރުފިޔާއިން ޖޫރިމަނާކޮށް، ފަސް ދުވަހުގެ ތެރޭގައި ދެ ފަރާތުން ވެސް އެ ފައިސާ ދެއްކުމަށް ވަނީ އަންގާފައިވާކަމަށް މައުލޫމާތު ދިނެވެ. އެހެންކަމުން، އެ މީހުން ޖުމްލަ ދެ ލައްކަ ރުފިޔާ ޖުރިމަނާއެއްގެ ގޮތުގައި ދައްކަން ޖެހޭނެ އެވެ.

ދީފައިވާ މުއްދަތުގެ ތެރޭގައި ފައިސާ ނުދައްކައިފި ނަމަ، އަޅާނެ ފިޔަވަޅެއްގެ މައުލޫމާތު އާބަންކޯއިން ހިއްސާކޮށްފައި ނުވެ އެވެ.

އާބަންކޯގެ ހުއްދައާއި ނުލައި، ހިޔާ ފްލެޓުތަކުގެ ސްޓްރަކްޗާއަށް ބަދަލުތައް ގެންނަ މީހުންނާއި މެދު ފިޔަވަޅު އަޅާނެކަން މީގެ ކުރިން ވެސް ހާމަކޮށްފައި ވެއެވެ. އެގޮތުން ކުންފުނިން ވަނީ ބައެއް މީހުން ހިޔާގެ ފްލެޓުތަކަށް ބަދަލު ގެންނަމުންދާކަން ފާހަގަކުރެވިފައިވާއިރު، އެފަދަ މައްސަލަތައް ބަލައި ފިޔަވަޅު އަޅާނެ ކަމަށެވެ.

ބައެއް މީހުން ފްލެޓުތަކުގެ ފާރުތަޅާލައި، ގެންނަ ބަދަލުތައް ފެންނަ ފޮޓޯތައް މީހުން ފޭސް ދޭއްއަށް ބަދަލުވަމުން ދިޔަ ދުވަސްވަރު ވަރަށް އާމުވި އެވެ.

އެގޮތުން ބްލްކަނީ އިތުރަށް ފުޅާ ކުރުމާއި، އެތެރެ ފާރަށް ބަދަލު ގެނެސް އެއް ކޮޓަރި އަނެއް ކޮޓަރިއާއި ގުޅުވާލުން ހިމެނެ އެވެ. އެކަމަކު ދެ އެޕާޓްމެންޓެއް އެއް އެޕާޓްމަންޓަކަށް ބަދަލުކުރިކަމަށް ފެންމަތިވި މިއީ ފުރަތަމަ މައްސަލަ އެވެ.