ވަޒީރުން ދައްކާ ވާހަކަތަކާއި ރައީސް ދައްކާ ވާހަކަތަކާއި ދިމާނުވޭ: ޝުޖާއު

ރައީސް އިބްރާހިމް މުހައްމަދު ސާލިހު ދައްކަވާ ވާހަކަތަކާއި އެމަނިކުފާނުގެ ކެބިނެޓުގައި ތިއްބަވާ މިނިސްޓަރުން ދައްކަވާ ވާހަކަތަކާއި ދިމާނުވާކަމަށް ޕީއެންސީގެ ނައިބު ރައީސް އަދި ހުޅުމާލެ ދާއިރާގެ ކައުންސިލު މެމްބަރު އިބްރާހިމް ޝުޖާއު ވިދާޅުވެއްޖެއެވެ.

ސަރުކާރުން ރާއްޖޭގައިން ހިންގަމުންދާ މަޝްރޫޢުތައް ކުރިއަށް ދާ ދުވެލި މަޑުކަމަށް ސިފަކުރައްވާ ޝުޖާއުވަނީ ނުރުހުން ފާޅުކުރައްވާފައެވެ. އޭނާ ވިދާޅުވީ، އިދިކޮޅު ކޮންގްރެސް ކޯލިޝަންގެ ރިޔާސީ ކެނޑިޑޭޓު ކުރީގެ ރައީސް އަބްދުﷲ ޔާމީން އަބްދުލް ގައްޔޫމްގެ ވެރިކަމުގައި ހުޅުމާލޭގައި ހުޅުމާލޭގައި ބިނާ ކުރެއްވުމަށް ވިދާޅުވި ޓާޝަރީ ހޮސްޕިޓަލްގެ ބިންގާ އެޅުއްވިކަމަށެވެ. އޭނާ ވިދާޅުވީ، އެމަނިކުފާނުގެ ވެރިކަމުގައި އެޅުއްވީ ހޮސްޕިޓަލުގެ ބިންގާ އެކަނި ނޫންކަމަށެވެ.

އޭނާ ވިދާޅުވީ، ބިންގާ އެޅުމަށްފަހު މަސައްކަތާއި ހަވާލުވި ކުންފުނިންވަނީ ބާރު ދުވެއްޖެއްގައި މަސައްކަތްތައް ނިންމާފައިކަމަށެވެ. އަދި އެ ހޮސްޕިޓަލު ރައީސް ޔާމީންގެ ވެރިކަމުގެ ދައުރުގައި ހުޅުވިކަމަށް ޝުޖާއު ފާހަގަކުރެއްވިއެވެ.

ރައީސް ޔާމީން:
ހުޅުމާލޭގައި އަޅާ ޓާޝިއަރީ ހޮސްޕިޓަލްގެ ބިންގާއަޅައިފި.ބިންގާ އެކަންޔެއްނޫން އެޅީ.ބިންގާ އެޅިގޮތައް އެހޮސްޕިޓަލް ހެދި ކުންފުނިން ބާރު ސްޕީޑްގައި ގޮސް ހޮސްޕިޓަލް ވަނީ ނިންމައި،ރައީސް ޔާމީންގެ ވެރިކަމުގައި ހުޅުވާފަ.

ރައީސް ސޯލިހް:
7 ހޮސްޕިޓަލެއްގެ މަސައްކަތް… pic.twitter.com/I3gETjmG2Q

— Ibrahim Shujau (@IbrahimShujaau) May 21, 2023

ރައީސް ސާލިހު ސިއްހީ ދާއިރާ އިތުރަށް ހަރުދަނާކުރެއްވުމުގެ ގިނަ ވައުދުތަކެއް ވެވަޑައިގެންފައިވާކަމަށް ޝުޖާއު އިޝާރާތްކުރެއްވިއެވެ. އޭނާ ވިދާޅުވީ، ރައީސް ސާލިހު ބިނާކޮށްދެއްވުމަށް ވައުދުވެވަޑައިގެންނެވި 7 ހޮސްޕިޓަލެއްގެ މަސައްކަތްތައް “އަންނަނީ” ގައި އޮންނަތާ އަހަރުތަކެއް ވެފައިވާކަމަށެވެ. އަދި ބައެއް ފުރުސަތުތަކުގައި 7 ހޮސްޕިޓަލުގެ ބަދަލުގައި 30 ހޮސްޕިޓަލެއްގެ ވާހަކަތައްވެސް ދެކެވޭކަމަށާއި، ވަޒީރުން ދައްކަވާ ވާހަކަތަކާއި ރައީސް ސާލިހުގެ ވާހަކަތަކާއި ފުށު އަރާކަމަށް އޭނާ ފާހަގަކުރެއްވިއެވެ.

ޝުޖާއު ވިދާޅުވީ، ކޮންމެއަކަސް ރައީސް ސާލިހުގެ ވެރިކަމުގެ ފަސް އަހަރު އެމަނިކުފާނު އެ ނިންމަވާލައްވަނީ ބިނާ ކޮށްދެއްވާނެކަމަށް ވިދާޅުވި ހޮސްޕިޓަލްތައް “އޮލިމްޕަސް ބޮޑު ސްކްރީނަށް ގެނެސް ގެނެސް” ކަމަށެވެ. އޭނާ ވިދާޅުވީ “އިބޫ ނޫން ގޮތެއް” ދިވެހި ރައްޔިތުން ހޯދަން ޖެހިފައިވާކަމަށެވެ.