އެމްޑީޕީގެ ޗެއަރޕާސަން ފައްޔާޒު އިސްމާއިލް އޭނާ އާއި ގުޅޭޭގޮތުން ދޮގު ވާހަކަތައް ފަތުރައްވަމުންދާކަމަށް އެމްޑީޕީގެ މެމްބަރެއްގެ ގޮތުގައި ހުންނެވި އެ ޕާޓީގެ ކުރީގެ ޗެއަރޕާސަން މޫސާ މަނިކު ވިދާޅުވެއްޖެއެވެ.
އެމްޑީޕީގެ ރިޔާސީ ކެނޑިޑޭޓު ރައީސް އިބްރާހިމް މުހައްމަދު ސާލިހުގެ ރަނިނގް މޭޓުގެ މަގާމަށް ޕާޓީގެ ތެރޭގައި ވާދަވެރިކަން އުފެދިފައިވާކަމަށް ބުނެ ބައެއް ނޫސްތަކުގައި ރިޕޯޓް ކުރަމުން ދާއިރު، ފައްޔާޒުވަނީ އެ ކަމުގެ ތެރޭގައި އޭނާ ޝާމިލުވެވަޑައިނުގަންނަވާކަން ވިދާޅުވެފައެވެ. އަދި އެ ވާހަކަތަކަކީ ކޮންމެވެސް ސަބަބަކާއި ގުޅިގެން މޫސަ ދައްކަވަމުންދާ ވާހަކަތަކެއްކަމަށް އޭނާ ވަނީ ސޯޝަލްމީޑިއާގައި ހިއްސާކުރައްވާފައެވެ.
MDP ge Chair person akah hunnavan vaanee aammu membarunnaa zaatheenuve party ge membarunaaeku ulheveyne meeheh
Noosveringe Article thakuge sababun Ammu thanthaanga alhugandaa dhimaakurumakee Faya ves kohgen vaanekamehnoon kandaelhige dhoguvaahakanufathuraa— Moosa Maniku (Reeko) (@ReekoMoosa) July 18, 2023
ފައްޔާޒުގެ ވާހަކަތަކަށް މޫޫސަ ވަނީ ޖަވާބުދެއްވާފައެވެ. އޭނާ ވިދާޅުވީ، އެމްޑީޕީގެ ޗެއަރޕާސަންގެ މަގާމުގައި ހުންނަވާ ފަރާތަކީ އާންމު މެމްބަރުންނާއި ޒާތީވެ އަމަލުނުކުރައްވާ އުޅުއްވޭނެ ބޭފުޅަކަށްވުމަކީ މުހިންމު ކަމެއްކަމަށެވެ. އެހެންނަމަވެސް ނޫހެއްގައި ޝާއިއުކުރެވިފައިވާ ލިއުމަކާއި ގުޅިގެން ފައްޔާޒު އާންމު ތަންތަނުގައި އޭނާއަަށް ދިމާކުރުމަކީ ހިންގައިގެން ވާނެ ފަދަ އަމަލެއް ނޫންކަމަށް ވިދާޅުވިއެވެ. މޫސަ ވިދާޅުވީ ފައްޔާޒު ދައްކަވަމުންދާ ވާހަކަތަކީ ކަނޑައެޅިގެން ދޮގު ވާހަކަތަކެއްކަމަށެވެ.
