އިންތިހާބުގައި ވޯޓު ދެއްވި އެންމެހާ ފަރާތްތަކަށް މިނިވަން ކެންޑިޑޭޓު ފާރިސް މައުމޫން ޝުކުރު ދަންނަވައިފިއެވެ.
2023ގެ ރިޔާސީ އިންތިހާބުގައި މިނިވަން ކެންޑިޑޭޓެއްގެ ހައިސިއްޔަތުން ވާދަކުރެއްވި ފާރިސްވަނީ ދިވެހިރާއްޖޭގައި ހުރި ބޮޑެތި މައްސަލަތަކަށް ހައްލުތަކެއް ގެނެސްދިނުމުގެ ސިޔާސަތުތައް ހިއްސާކުރައްވާ ކެމްޕެއިން ކުރައްވާފައެވެ. އިންތިހާބުގެ ފުރަތަމަ ބުރުގެ ވަގުތީ ނަތީޖާތައް ދައްކާގޮތުން ފާރިސް އަށް ލިބިވަޑައިގެންނެވީ 2900 އާއި ގާތް ކުރާ އަދަދެއްގެ ވޯޓެވެ.
މިއަދު ބޭއްވި ރިޔާސީ އިންތިޚާބުގައި އަޅުގަނޑަށް ތާއިދުކޮށް ވޯޓް ދެއްވި ހުރިހާ ބޭފުޅުންނަށް ވަރަށް ބޮޑަށް ޝުކުރު ދަންނަވަން. ވޯޓުން ކޮންމެ ނަތީޖާއެއް ނިކުތްނަމަވެސް ކުރިއަށް އޮތްތަނުގައިވެސް މި އިސްލާހީ ބަދަލު ގެނައުމުގެ މަސައްކަތުގައި އަޅުގަނޑު ދެމިހުންނާނެ ވާހަކަ ދަންނަވަން
— faris 🇲🇻 🇵🇸 (@afarismaumoon) September 9, 2023
ފާރިސްގެ ޓްވިޓަރ މެދުވެރިކޮށް ކުރެއްވި ޕޯސްޓެއްގައި ވިދާޅުވީ، އިންތިހާބުގައި ތާއީދުކޮށް ވޯޓު ދެއްވި ހުރިހާ ބޭފުޅުންނަށް ޝުކުރު ދަންނަވާކަމަށެވެ. އަދި ވޯޓުން ކޮންމެ ނަތީޖާއެއް ނިކުތް ނަމަވެސް ކުރިއަށް އޮތް ތަނުގައިވެސް އިސްލާހީ ބަދަލުތަކެއް ގެނައުމުގެ މަސައްކަތްތަކުގައި ދެމިހުންނަވާނެކަމަށްވެސް ފާރިސްވަނީ ވިދާޅުވެފައެވެ.
advertisment