މިރެޔަށް އެމްޑީޕީގެ ގައުމީ މަޖިލީހުގެ ބައްދަލުވުމެއް ތައާވަލު ކުރައްވަފިއެވެ.
މިކަމާއި ގުޅިގެން މައުލޫމާތު ސާފުކުރުމަށް “ސަންގުން” ގުޅުމުން އެމްޑީޕީގެ ޑެޕިއުޓީ ޗެއާޕާސަން އިބްރާހީމް ވަހީދު (އިބުރޭ) ވިދާޅުވީ މި ޖަލްސާ ކުރިއަށްދާނީ އއ އުކުޅަހުގައިކަމަށެވެ. ޖަލްސާގެ އެޖެންޑާ ކަނޑައަޅާނީ މިހާރު ކުރިއަށްދާ ނުރަސްމީ ބައްދަލުވުންތަކުގެ ތެރެއިންކަމަށް އިބްރާހީމް ވަހީދު ވިދާޅުވިއެވެ.
ޕާޓީގެ ހުސްވެފައިވާ މަގާމުތަކަށް މެންބަރުން އިންތިހާބުކުރުން އޮންނާނީ ކޮން ތާރީހެއްގައިކަން މިރޭގެ ޖަލްސާގައި އިއުލާންކުރުން އެކަށީގެންވާކަމަށް އިބްރާހީމް ވަހީދު ވިދާޅުވިއެވެ. އެއީ ރައީސް އަދި ނައިބު ރައީސްކަމުގެ މަގާމެވެ. މި މަގާމުތަށް ހުސްވީ އެ މަގާމުގައި ތިއްބެވި ބޭފުޅުން އައު ޕާޓީއެއް އުފެއްދުމަށް އިސްތިއުފާ ދެއްވުމުންނެވެ.
އެމްޑީޕީގެ ގައުމީ މަޖިލީހަކީ ޕާޓީގެ މުހިންމު ނިންމުންތައް ނިންމުމަށް ބާއްވާ މަޖިލީހެކެވެ.