ރައްޔިތުންގެ މަޖިލީހުގެ އަލިފުށީ ދާއިރާގެ މެމްބަރު މުހައްމަދު ރަޝީދު ހުސެއިން (ބިގޭ) އަކީ މަޖިލީހުގެ މެޖޯރިޓީ ލީޑަރު ކަމަށް ކަނޑައަޅައިފިއެވެ.
މުހައްމަދު ރަޝީދަކީ މަޖިލީހުގެ މެޖޯރިޓީ ލީޑަރުކަން އިއުލާން ކޮށްފައި ވަނީ މަޖިލީހުގެ މިއަދުގެ ޖަލްސާގައި މަޖިލީޙުގެ ރައީސް މުހައްމަދު އަސްލަމްއެވެ.
މީގެކުރިން މަޖިލީހުގެ މެޖޯރިޓީ ލީޑަރުގެ މަގާމުގައި ހުންނެވީ ހިތަދޫ އުތުރު ދާއިރާގެ މެމްބަރު މުހަެއްމަދު އަސްލަމްއެވެ.
އަސްލަމް މަޖިލީހުގެ ރައީސްގެ މަގާމަށް އައްޔަން ކުރުމާއި ގުޅިގެން އެމްޑީޕީގެ ޕީޖީ ގުރޫޕުގެ ބައްދަލުވުމަކުން މުހައްމަދު ރަޝީދު އެމްޑީޕީގެ ޕީޖީ ލީޑަރުގެ މަގާމަށް އައްޔަން ކުރުމާއިއެކު މުހައްމަދު ރަޝީދަށް ވަނީ މަޖިލީހުގެ މެޖޯރިޓީ ލީޑަރުކަން ލިބިފައެވެ.