އެމްއޭސީއެލްގެ އައު މެނޭޖިން ޑިރެކްޓަރު އިބްރާޙިމް ޝަރީފް މުހައްމަދު އެއަރޕޯޓުގެ ހާލަތު ދެނަގަތުމުގެ ގޮތުން ސައިޓު ވިސިޓެއްކުރައްވައިފިއެވެ.
އެމްއޭސީއެލްއިން ހާމަކޮށްފައިވާގޮތުން އެމްޑީ ޝަރީފް މަސައްކަތްތަކާއި ހަވާލުވެވަޑައިގެން އެންމެ ފުރަތަމަ ދުވަހު ކުރެއްވި މަސައްކަތަކީ އެއަރޕޯޓުގައި ބިނާކޮށްފައިވާ ވަސީލަތްތައް ހުރި ސަރަހައްދު ތަކަށް ޒިޔާރަތްކުރައްވާ މަސައްކަތްތައް ބެއްލެވުމެވެ. އެގޮތުން އައު ޕެސެންޖާރ ޓާމިނަލްގެ މަސައްކަތްތައް ބެއްލެވުމުގެ ގޮތުން ވަޑައިގެންނެވިއިރު،މ އައު ފިއުލް ފާމާއި އެހެނިހެން ކުރިއަށް ދާ މަސައްކަތްތައްވެސް އިންސްޕެކްޓުކުރެއްވިކަމަށް އެ ކުންފުނިން ބުނެފައިވެއެވެ.
ރާއްޖޭގެ އެންމެ ފައިދާވާ އެއް ކުންފުނިކަމަށްވާ އެމްއޭސީއެލްގެ އެމްޑީގެ މަގާމަށް ވަޑައިގެންފައިވާ ޝަރީފަކީ މީގެކުރިންވެސް ސަރުކާރުގެ އެކި އިސް މަގާމުތައް ފުރުއްވާފައިވާ މީހެއްކަމަށްވާއިރު، އެންމް ފަހުން އަދާކުރެއްވީ އޮސްޓްރޭލިއާގައި ހުންނަ ރާއްޖޭގެ ޓްރޭޑް ރެޕްރެޒެންޓޭޓިވްގެއެއްގެ މަގާމެވެ. ޝަރީފްއަކީ ކޮމާސްގެ ދާއިރާއިން މާސްޓާޒް ހާސިލުކުރައްވާފައިވާ މީހެކެވެ.
advertisment