އެއްވެސް މަޝްވަރާއެއް ހޯދުމެއް ނެތި ދައުލަތުގެ އެކި މަގާމުތަކުގެ މުސާރަތައް ބޮޑު ކުރުމަށް ރައްޔިތުންގެ މަޖިލީހުގެ މާލިއްޔަތު ކޮމިޓީން ނިންމާފައިވާތީ އެކަމަށް ތާއީދު ނުކުރައްވާތީ އިތުރުވާ ބައި އިޖްތިމާއީ ފަންޑަކަށް ހަދިޔާ ކުރެއްވުމަށް ނިންމާފައިވާކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސުލްޖުމްހޫރިއްޔާ އާއި ރައީސުލްޖުމްހޫރިއްޔާގެ ނައިބު ހިމެނޭހެން ދައުލަތުގެ އިސް މަގާމުތަކާއި ކެބިނެޓު ވަޒީރުން އަދި މަޖިލީހުގެ މެމްބަރުންގެ މުސާރަ ބޮޑު ކުރަން ކޮމިޓީގެ އިއްތިފާގުން ނިންމީ އިއްޔެ އެވެ. ސިޔާސީ މަގާމުތަކުގެ މުސާރަތައް ބޮޑު ކުރާ މައްސަލައިގައި އާންމުންގެ ހިތްހަމަނުޖެހުން ބޮޑުވެ، ބައެއް ސިޔާސީ ޕާޓީތަކުން ވެސް ބަޔާން އާންމުކޮށްފައި ވަނިކޮށް ރައީސް މުއިއްޒު ވިދާޅުވީ މިއީ އެއްވެސް ގޮތަކަށް އެމަނިކުފާނުގެ ވިސްނުންފުޅެއް ނޫން ކަމަށެވެ.
ރައީސް މުއިއްޒު ވިދާޅުވީ މިއީ އެއްވެސް މިންވަރަކަށް ސަރުކާރުގެ މަޝްވަރާއެއް ނުހޯދައި، ކޮމިޓީން ގެނައި ބަދަލެއް ކަމަށެވެ. އަދި އެމަނިކުފާނު ވިދާޅުވީ މުސާރައަށް އިތުރުވާ ބައި ހިޔާ ފަދަ އިޖްތިމާއީ ފަންޑަކަށް ހަދިޔާ ކުރުމަށް މިހާރު ނިންމަވާފައިވާ ކަމަށެވެ.
Raees, naib raees, vazeerunge musaara bodu kuran sarukaarun edhifa nuvaane. Adhi bodu kuraakah beynumevves noon. Evves mashwara eh kurumehnethi mi genai badhaluge sababun libey musaaraige kuri erun kudakudhinge hiyaa fadha ijthimaaee fund akah hadhiyaa kuran alhugandumen…
— Dr Mohamed Muizzu (@MMuizzu) December 20, 2023
