ފ.ދަރަނބޫދޫ ބަނދަރު ތަރައްޤީކުރުމުގެ މަޝްރޫޢުގެ %22 މަސައްކަތް ނިމިއްޖެއެވެ.
މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީއާއި ހަވާލުކޮށްފައިވާ މި މަޝްރޫޢުގެ އަމަލީ މަސައްކަތް ފަށާފައިވަނީ މި އަރުގެ މެއިމަހުގެ 27 ވަނަ ދުވަހުގައެވެ.
38.2 މިލިއަން ރުފިޔާ ޚަރަދުވާނެކަމަށް ބެލެވޭ މި މަޝްރޫޢުގެ މަޢުލޫމާތުދެމުން އެމްޓީސީސީން މިއަދު ވަނީ ދަރަނބޫދޫގެ ބަނދަރު ފުންކުރުމުގެ މަސައްކަތުގެ %50 މިހާރު ނިމިފައިވާކަމަށް ބުނެފައެވެ.
މި މަޝްރޫޢުގެ ދަށުން 410 މީޓަރުގެ ސަރަޙައްދެއްގައި ބޭރުތޮށިލުމަށް ހަމަޖެހިފައިވާކަމަށް އެމްޓީސީސީން ބުނެއެވެ. އޭގެ އިތުރުން 196 މީޓަރުގެ ސަރަހައްދެއްގައި އެއްގަމު ތޮށިލުމަށާއި 64 މީޓަރުގެ ސަރަހައްދެއްގައި ރިވެޓްމަންޓް ޖެހުމުގެ މަސައްކަތުގެ އިތުރުން 2،500 ސްކުއެއާ މީޓަރުގެ ސަރަހައްދެއްގައި ޕޭވްމަންޓް ހެދުމަށް ހަމަޖެހިފައިވާކަމަށް ވެސް އެމްޓީސީސީން ބުނެއެވެ. އަދި ހަމައެއާއެކު ބަނދަރު ބައްތި ޖަހައި ރޭމްޕެއް ހެދުމުގެ މަސައްކަތް ހިމެނޭކަމަ ވެސް އެ ކުންފުނިން ވަނީ ބުނެފައެވެ.
advertisment