ކަރެކްޝަނަލް ސާވިސްގެ ބެލުމުގެ ދަށުގައި ތިބި ގައިދީންގެ ތެރެއިން ހަތް މީހަކު ކޮވިޑް-19 އަށް ޕޮޒިޓިވް ވެފައިވާ ކަމަށް މިއަދު ބުނެފި އެވެ.
މޯލްޑިވްސް ކަރެކްޝަނަލް ސާވިސްއިން އިން މިއަދު ހާމަކޮށްފައިވާ ގޮތުގައި އޮގަސްޓް މަހުގެ 23 ވަނަ ދުވަހުން ފެށިގެން 30 ވަނަ ދުވަހުގެ ނިޔަލަށް ހުޅުމާލެ ޖަލާއި ހުޅުމާލެ ޑިޓެންޝަން ސެންޓަރުން ނެގި ސާމްޕަލް ތަކުގެ ތެރެއިން ހަތް ސާމްޕަލްއެއް ވަނީ ކޮވިޑް-19 އަށް ފައްސިވެފައެވެ.
އެގޮތުން ކަރެކްޝަންސް އޮފިސަރުންނާއި މުވައްޒިފުންގެ ތެރެއިން 10 ސާމްޕަލް، އަދި ގައިދީންގެ ތެރެއިން 41 ގައިދީއެއްގެ ސާމްޕަލް ވަނީ މިހާތަނަށް ނަގާފައެވެ. މީގެ ތެރެއިން 19 މީހެއްގެ ނަތީޖާ ވަނީ ނައްސިވެފައެވެ.
އަދި މިހާތަނަށް ނަތީޖާ ނުލިބި 15 ސާމްޕަލެއް ވެއެވެ.
23 އޮގަސްޓު 2020 އިން 30 އޮގަސްޓު 2020 އާއި ހަމައަށް ހުޅުމާލެ ޖަލާއި ހުޅުމާލެ ޑިޓެސްޝަން ސެންޓަރ ނެގިފައިވާ ސާންޕަލްތަކުގެ އަދާހަމަ #COVID19 pic.twitter.com/3766G3QJzU
— Maldives Correctional Service (@CorrectionsMv) August 30, 2020
ރާއްޖޭން ފުރުވާލެވެންދެން ބިދޭސީން ބައިތިއްބާ ޑިޓެންޝަން ސެންޓަރުން ސާމްޕަލް ނެގި 31 މީހުންގެ ތެރެއިން ފަސް މީހަކު ވަނީ ޕޮޒިޓިވް ވެފަ އެވެ. އޭގެ ތެރެއިން 16 މީހަކު ނެގެޓިވް ކަމަށާއި 10 މީހެއްގެ ނަތީޖާ އަދި ނުލިބެ ކަމަށް ވެސް ބުންޏެވެ.
އިއްޔެގެ ހަވީރު 6:00 އާ ހަމަ އަށް ރާއްޖޭން 7,578 މީހަކު ވަނީ ކޮވިޑަށް ޕޮޒިޓިވް ވެފަ އެވެ. މީގެ ތެރޭގައި ދިވެހިންގެ އަދަދަކީ 4،653 އެވެ.