ގާނޫނު އަސާސީން އުފެއްދި އެންމެ މުހިންމު އަދި އެންމެ ބާރުގަދަ މަގާމަކީ ޕްރޮސިކިއުޓާރ ޖެނަރަލްގެ މަގާމު ކަމަށް އެޓާނީ ޖެނަރަލް އިބްރާހިމް ރިއްފަތު ވިދާޅުވެއްޖެ އެވެ.
ރިއްފަތު މިހެން ވިދާޅުވީ ޕީޖީ އޮފީހަށް 12 އަހަރު ފުރުމާ ގުޅިގެން މިއަދު ކުރެއްވި ޓްވީޓެއްގައެވެ.
އެގޮތުން ރިއްފަތު ވިދާޅުވީ ނުޙައްޤު ދައުވާއި ބޭއިންޞާފުން ރައްޔިތުން މިންޖުކުރަން ޤާނޫނުއަސާސީ އިން އުފެއްދި އެންމެ މުހިންމު/ބާރުގަދަ މަޤާމަކީ ޕްރޮސިކިއުޓަރ ޖެނެރަލްގެ މަގާމު ކަމަށެވެ. އަދި ޙައްޤުތަކާއި މިނިވަންކަން ޙިމާޔަތްކުރުމުގެ ބޮޑު އަދި ބުރަ މަސްޢޫލިއްޔަތު އަދާކުރުމަށް ޕީޖީ ހުސެއިން ޝަމީމާއި މުވައްޒަފުން ކުރައްވާ މަސައްކަތަށް އޭޖީ ވަނީ ސާބަސް ދެއްވާފައެވެ.
ނުޙައްޤު ދައުވާއި ބޭއިންޞާފުން ރައްޔިތުން މި ންޖުކުރަން ޤާނޫނުއަސާސީ އުފެއްދި އެންމެ މުހިންމު/ބާރުގަދަ މަޤާމަކީ ޕްރޮސިކިއުޓަރ ޖެނެރަލް. ޙައްޤުތަކާއި މިނިވަންކަން ޙިމާޔަތްކުރުމުގެ ބޮޑު/ބުރަ މަސްޢޫލިއްޔަތު އަދާކުރުމަށް ޕީޖީ @HuShameem އަދި މުވައްޒަފުން ކުރައްވާ މަސައްކަތަށް ސާބަސް. https://t.co/4LSVjHIlNT
— I.Riffath (@ibriffath) September 4, 2020
ޕީޖީ އޮފީހަށް 12 އަހަރު ފުރުމާ ގުޅިގެން ޕީޖީ ޝަމީމް މިއަދު ކުރެއްވި ޓްވީޓެއްގައި ވަނީ މަސައްކަތް ކުރަމުން ދަނީ ޕީޖީ އޮފީހަކީ އެ މަގާމުގައި އޭނާ ނެތް ދުވަހަކުން ވެސް ހުރިހާ ހާލަތެއްގައި ވެސް ގާނޫނާ އެއްގޮތަށް އަމަލުކުރާ އިތުބާރާއި އެކު ދުނިޔޭގެ ފެންވަރުގައި ހިދުމަތްދޭ ދުޅަހެޔޮ މުވައްޒަފުންތަކެއް މަސައްކަތްކުރާ މުއައްސަސާއެއްގެ ގޮތުގައި އެ ތަން ހެދުމަށް ކަމަށް ވިދާޅުވެފައެވެ.
advertisment