ބޭރުން އަންނަ ދިވެހިން ޕީސީއާރް ސެޓިފިކެޓް ހުށައަޅަން ނުޖެހޭނެ ކަމަށް މޯލްޑިވްސް އިމިގްރޭޝަނުން ބުނެފި އެވެ.
ކޮވިޑް-19 ޓެސްޓުން ނެގެޓިވްކަން ޔަގީން ކޮށްފައި ނޫނީ ރާއްޖެއަށް ޓޫރިސްޓުންނަށް ނާދެވޭ ގޮތަށް، އުސޫލަށް ވަނީ ބަދަލު ކޮށްފައެވެ. އެގޮތުން މާދަމާ އިން ފެށިގެން ރާއްޖެ އެތެރެވާ ބިދޭސީންގެ ތެރެއިން 14 ދުވަހަށްވުރެ ކުރު މުއްދަތަކަށް ރާއްޖެ އަންނަ މީހުންނާއި ފަތުުރުވެރިންނަށް ރާއްޖެ އެތެރެވެވޭނީ 72 ގަޑިއިރު ހަމަނުވާ ޕީސީއާރު ނެގެޓިވް ސެޓްފިކެޓެއް އޮން އެރައިވަލްގައި ހުށަހެޅުމުންނެވެ.
އިމިގްރޭޝަނުން ބުނީ ދިވެހި ރައްޔިތުންނާއި އެމްޕްލޮއިމެންޓް އެޕްރޫވަލް އޮންނަ މީހުނާއި ރާއްޖޭގެ ރެޒިޑެންޓް ޕާމިޓް އޮންނަ މީހުނާއި އެއް އަހަރުން ދަށުގެ ކުޑަކުދިންގެ އިތުރުން ފްލައިޓްތަކުގެ ކްރޫއިން ރާއްޖެ އަންނައިރު ޕީސީއާރް ޓެސްޓް ހުށައަޅަން ނުޖެހޭނެ ކަމަށެވެ.
ޕީސީއާރު ސެޓްފިކެޓު ހުށަހަޅަން ޖެހޭނީ ރާއްޖެ އަންނައިރު ފުރިހަމަކުރާ ހެލްތު ޑިކްލަރޭޝަން ފޯމާއެކު، އިމުގާ ޕޯޓަލް މެދުވެރިކޮށެވެ.
advertisment