ގިރިފުށި ޓްރެއިނިންގް ސެންޓަރުގައި ބަޑި ޖެހުމަށް ބޭނުންކުރާ ”ރޭންޖް“ މަތާމާރުކޮށް އަލުން ބޭނުންކުރަން ފެށުމަށް ރޭވިފައިވާ ޕްލޭނާ އެއްގޮތަށް މަސައްކަތްތައް ކުރިއަށްދާކަމަށް އެމްއެންޑީއެފް އިން ބުނެފިއެވެ.
ގިރިފުށި ޓްރެއިނިންގް ސެންޓަރުގައި ބަޑި ޖެހުމަށް ބޭނުންކުރާ ”ރޭންޖް“ ބޭނުން ކުރުން ހުއްޓާލާފައިވަނީ ތަމްރީނު ހެދުމަށް ސިފައިން ބަޑި ޖަހަމުން ދަނިކޮށް، ސަފާރީ އެއްގައި ހުރި 41 އަހަރުގެ ޖަރުމަނު ފަތުރުވެރިއެއްގެ ގަޔަށް ވަޒަނެއް އެރުމާއި ގުޅިގެންނެވެ.
ގިރިފުށިން ޖެހި ވަޒަނެއް އަރާފައި ވަނީ އެ ރަށު ބޭރުގައި އޮތް ”އީގަލް ރޭ“ ކިޔާ ސަފާރީއެއްގައި ހުރި 41 އަހަރުގެ ޖަރުމަނު ފަތުރުވެރިއެއްގެ ގަޔަށެވެ.
އެހެންނަމަވެސް އެމްއެންޑީއެފް އިން ވިދާޅުވީ ފަތުރުވެރިޔާގެ ގަޔައް އަރާފައިވަނީ ބާރު ކެޑިފައިވާ ވަޒަނެއް ކަމަށެވެ.
