މާލޭގައި މިރޭ ހަވާ އެރުވުމަށް ނިންމާފައިވާ ކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ބުނެފި އެވެ.
އެމްއެންޑީއެފް އިން ބުނީ މިރޭ 8:00 ގައި މާލޭގެ އިއްޒުއްދީން ފާލަމާއި ދިމާ ބޭރުން ކަނޑުގެ ސަރަހައްދުގައި ހަވާ އެރުވުން ކުރިއަށް ގެންދާ ގޮތަށް ހަމަޖެހިފައިވާ ކަމަށެވެ.
އެގޮގުން މިއީ ވިޔަފާރި އުސޫލުން އަމިއްލަ ފަރާތަކަށް، ސިފައިންގެ ކޯޕަރޭޓިވް ”ސިފްކޯ“ އިން ކުރިއަށްގެންދާ އިވެންޓެއް ކަމަށްވެސް އެމްއެންޑީއެފުން ބުނެއެވެ.
އަދި ހަވާ އެރުވުން ކުރިއަށް ގެންދާނީ ދެ މިނެޓް ވަންދެން ކަމަށް އެމްއެންޑީއެފުން ހާމަކުރެއެވެ.
