ވަޒީފާ ގެއްލި ދަރިންނާއި އާއިލާ ބިކަވި މީހުންނަށް ބޯހިޔާވަހިކަން ފޯރުކޮށްދިނުމަށް އެހީވާން ނިންމާފައިވާ ކަމަށް ޖެންޑާ މިނިސްޓަރު އައިޝަތު ދީދީ ވިދާޅުވެއްޖެއެވެ.
އެހީވާންނ ޖެންޑާއިން ނިންމާފައިވަނީ ނެޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) މެދުވެރިކޮށެވެ
މިނިސްޓަރު އައިޝަތު މިއަދު ކުރެއްވި ޓްވީޓެއްގައި ވިދާޅުވެފައި ވަނީ، ވަޒީފާ ގެއްލުމާ ގުޅިގެން އާއިލާ އާއި ދަރިން ބިކަވި މީހުންނަށް ބޯހިޔާވަހިކަން ފޯރުކޮށްދިނުމަށް އެންސްޕާ މެދުވެރިކޮށް އެހީތެރިކަން ފޯރުކޮށްދޭނެ ކަމަށެެވެ
މީގެ އިތުރުން މިނިސްޓަރ ވިދާޅުވީ ގެދޮރު ގެއްލި މަގުމަތިވެފައިވާ މީހުން އުޅޭތީ އެމިނިސްޓްރީ އަށް އެކަމާ ގުޅޭ ގިނަ ކަންބޮޑުވުންތަކެއް ހުށަހަޅަމުން އަންނަ ކަމަށެވެ.
އަދި މިމަހުގެ މިހާތަނަށް، ގެދޮރު ގެއްލިފައިވާ 500 އެއްހާ މީހުންނަށް އެމިނިސްޓްރީން އެހީތެރިކަން ފޯރުކޮށްދީފައިވާ ކަމަށް މިނިސްޓަރ ވިދާޅުވިއެވެ.