ބްރިޓިޝް އެއާވޭސްގެ ދަތުރުތައް ރާއްޖެ އަށް މިއަދު އަލުން ފަށައިފިއެވެ.
މޯލްޑިވްސް އެއާޕޯޓްްސް ކޮމްޕެނީ ލިމިޓެޑުން (އެމްއޭސީއެލް) އިން ބުނީ ބްރިޓިޝް އެއާވޭސް އިން މިއަދު ރާއްޖެ އަށް އަލުން ދަތުރުތައް ފެށި ފުރަތަމަ ފްލައިޓުގައި ވެސް ރާއްޖެ އަށް 250 ފަތުރުވެރިން އައިސްފައިވާ ކަމަށެވެ.
ބްރިޓިޝް އެއާވޭސް އިން ވެލާނާ އިންޓަނޭޝަނަލް އެއާޕޯޓާއި ލަންޑަންގެ ހީތްރޯ އެއާޕޯޓާ ދެމެދު ކޮންމެ ދުވަހަކު ދަތުރުތައް ބާއްވާނެއެވެ.
ބްރިޓިޝް އެއާވޭސްގެ އިތުރުން ރާއްޖެ އަށް މިއަދު ވަނީ އެއާ އެސްޓާނާ އާއި އެއާ ސީޝެލްސް އިންވެސް ދަތުރުތައް ފަށާފައެވެ.