އެމެރިކާގައި ރިޔާސީ އިންތިހާބުގެ ހަތަރު ސްޓޭޓެއްގެ ނަތީޖާ ބާތިލުކުރަން ސުޕްރީމް ކޯޓަށް ހުށަހެޅި މައްސަލަ ބަލައިނުގަތުމަށް އެ ކޯޓުން ނިންމައިފިއެވެ.
އެމެރިކާގެ ރައީސް ޑޮނަލްޑް ޓްރަމްޕްގެ މަދަދާއެކު ޓެކްސަސްގެ އެޓާނީ ޖެނެރަލް ސުޕްރީމް ކޯޓަށް ވެއްދީ ޖޯޖިއާ، މިޝިގަން، ޕެންސިލްވޭނިއާ އަދި ވިސްކޮންސިންގެ ނަތީޖާ ބާތިލުކުރުމަށެވެ.
މި މައްސަލަ ސުޕްރީމް ކޯޓަށް ވެއްދީ 18 ސްޓޭޓް އެޓާނީންނާއި އެމެރިކާގެ ކޮންގްރެސްގައި ރިޕަބްލިކަން ޕާޓީ ތަމްސީލުކުރައްވާ 108 މެމްބަރުންގެ ތާއީދާ ވެސް އެކުއެވެ.
މި މައްސަލަ ބަލައިނުގަތުމަށް ސުޕްރީމް ކޯޓުން ނިންމި ނިންމުގައި ބުނީ އެ ސްޓޭޓްތަކުގެ އިންތިހާބީ ނަތީޖާއާ ގުޅޭގޮތުން މައްސަލައެއް ކޯޓަށް ވެއްދުމުގެ ގާނޫނީ އެއްވެސް ބާރެއް ޓެކްސަސް އަށް ލިިބިފައި ނުވާ ކަމަށެވެ.