ދާދިފަހުން އަދާލަތު ޕާޓީ އިން ބޭއްވި އެޕާޓީގެ ރިޔާސީ އިންތިހާބު ބާތިލް ކޮށްދިނުމަށް އެދި ސިވިލް ކޯޓަށް އެއްވެސް މައްސަލައެއް ހުށަހަޅާފައި ނުވާ ކަމަށް އެޕާޓީ އިން ބުނެފިއެވެ.
އެ ޕާޓީން މިކަން ދޮގުކުރީ އެ އިންތިހާބު ބާތިލުކޮށްދިނުމަށް އާންމު ފަރާތަކުން ސިވިލް ކޯޓަށް މައްސަލަ ހުށަހެޅި ކަމަށް ބުނެ އޮންލައިން ނޫހަކުން ގެނެސްދިން ހަބަރަކާ ގުޅިގެންނެވެ.
އެގޮތުން އަދާލަތުން ބުނީ އެއީ ދޮގު ހަބަރެއް ކަމަށާއި އެ ޕާޓީގެ ބަހެއް ހޯދުމެއް ނެތި ރިޕޯޓު ކުރުމަކީ ހިތާމަކުރާ އަދި ޕްރޮފެޝަނަލް ނޫސްވެރިކަން ކުރުން ނޫން ކަމަށެވެ.
އަދާލަތު ޕާޓީ އިން އެޕާޓީގެ ތިންވަނަ ދައުރުގެ ރައީސްއާ ނާއިބު ރައީސް ކަނޑައެޅުމަށް ބޭއްވި އިންތިހާބު އޮތީ މިދިޔަ މަހުގެ 30 ވަނަ ދުވަހުއެވެ. އެ އިންތިހާބު ކާމިޔާބު ކުރައްވާ އެޕާޓީގެ ރައީސްކަމުގެ މަގާމު އިންތިހާބު ވެފައިވަނީ މިހާރު ވެސް އެ ޕާޓީގެ ރާއީސް އިމްރާން އަބްދުﷲ އެވެ. އިމްރާނާ އެކު އިންތިހާބުގައި ވާދަކުރެއްވީ އިސްލާމިކް މިނިސްޓަރު ޑރ. އަހުމަދު ޒާހިރެވެ.
advertisment