މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) ގެ އަހަރީ އާންމު ޖަލްސާ ބޭއްވުން ފަސްކޮށްފިއެވެ.
ލިސްޓިންގ ރޫލްސްއާއި ސެކުއުރިޓީޒް ކޮންޓިނުއިންގ ޑިސްކްލޯޝަރ އޮބްލިގޭޝަން އޮފް އިޝުއަރޒް ރެގިއުލޭޝަންގެ ދަށުން ލިސްޓެޑް ކުންފުނި ތަކުން އެމްޓީސީސީގެ 2020ވަނަ އަހަރުގެ އަހަރީ އާންމު ޖަލްސާ 2021 ވަނަ އަހަރުގެ 31 މެއިގެ ކުރިން ބާއްވަން ޖެހެއެވެ.
އެމްޓީސީސީއިން މި މުއްދަތުގައި ޖަލްސާ ނުބާއްވަނީ އެ ކުންފުނީގެ 2021 ވަނަ އަހަރުގެ ހާއްސަގޮތުން ކުރާ އާންމު ޖަލްސާ 16 މެއި 2021 ގައި ބާއްވަންޖެހުމާއި ގުޅިގެން ކެޕިޓަލް މާކެޓް ޑިވެލޮޕްމަންޓް އޮތޯރިޓީގެ ހުއްދައާއެކު ކަމަށް އެމްޓީސީސީން ބުނެއެވެ.
އެމްޓީސީސީގެ އަހަރީ ޖަލްސާ ފަސްކޮށްފައިވަނީ މެއި މަހުގެ 30 ވަނަ ދުވަހުގެ ކުރިން ބާއްވާ ގޮތަށެވެ.
ކޮވިޑް-19 އާ ގުޅިގެން އެ ކުންފުނިން އަހަރީ އާންމު ޖަލްސާތަކާއި ހާއްސަގޮތުން ކުރާ އާންމު ޖަލްސާތައް ބާއްވަމުން އަންނަނީ ވާރޗުއަލްކޮށެވެ.
