ނުރައްކާތެރި ކޮވިޑް 19 ވައިރަހަށް ފަރުވާދެމުން ދިޔަ އިތުރު ދެ ދިވެހިން ނިޔާވެ، މިހާތަނަށް ދިވެހި ރާއްޖެއިން ކޮވިޑް ޖެހިގެން ނިޔާވި މީހުންގެ އަދަދު 167 އަރައިފި އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ކުރި ޓްވީޓެއްގައި ބުނެފައިވަނީ ބަލިވެގެން އައިޖީއެމްއެޗްގެ އީއާރް އަށް ގެނައި 89 އަހަރުގެ އަންހެނެއް މިއަދު މެންދުރު 1:51 ހާއިރު ނިޔާވެފައިވާ ކަމަށެވެ. މީގެއިތުރުން އެޗްޕީއޭއިން ކުރި އިތުރު ޓްވީޓެއްގައި ބުނެފައި ވަނީ އެޗްއެމްއެފް ގައި ފަރުވާދެމުން ދިޔަ 62 އަހަރުގެ ފިރެހެނެއް މިއަދު މެންދުރު 2:43 ހާއިރު ނިޔާވެފައިވާ ކަމަށެވެ.
https://twitter.com/HPA_MV/status/1399689800114868229?s=20
https://twitter.com/HPA_MV/status/1399689754371792896?s=20
މިއަދު މިހާތަނަށް ކޮވިޑް ޖެހިގެން ރާއްޖެއިން މިވަނީ 6 މީހުން ނިޔާވެފައެވެ. އެގޮތުން މިއަދު ކުރިން ނިޔާވި 4 މީހުންގެ ތެރެއިން 3 މީހުން މަރުވެފައި ވަނީ ހުޅުމާލެ ކޮވިޑް ފެސިލިޓީގައި ފަރުވާ ދެމުން ދަނިކޮންނެވެ. ހަތަރު ވަނަ މީހާ މަރުވެފައި ވަނީ ބ. އަތޮޅު އޭދަފުށީގައި ފަރުވާ ދެމުން ދަނިކޮށް ކަމަށް އެޗްޕީއޭއިން ބުނެ އެވެ.
advertisment