އދ. ހަންޏާމީދޫ ބަނދަރު ތަރައްގީ ކުރުމުގެ މަޝްރޫއުގެ ދަށުން، ބޭރު ތޮށި ލުމަށް ބޭނުންވާ ބޮޑުހިލައިގެ ފުރަތަމަ ޝިޕްމަންޓް މެއި 31 ވަނަ ދުވަހު އެރަށުގެ މަސައްކަތްކުރާ ސައިޓަށް ގެންގޮސްފައިވާކަމަށް އެމްޓީސީސީން ބުނެފިއެވެ.
މި މަޝްރޫއުގެ ދަށުން، ބަނދަރު ސަރަޙައްދުން 6،363.1 ކިއުބިކް މީޓަރު ފުންކުރާނެކަމަށް އެމްޓީސީސީން ބުނެއެވެ. އަދި 204 މީޓަރުގެ ސަރަޙައްދެއްގައި ބޭރުތޮށި ލުމުގެ އިތުރުން 266 މީޓަރުގެ ސަރަޙައްދެއްގައި އެއްގަމުތޮށި ލާނެކަމަށް އެ ކުންފުނިންވަނީ ހާމަކޮށްފައެވެ.
އެމްޓީސީސީން ބުނީ މި މަޝްރޫއުގެ ދަށުން 160 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 1،330 އަކަ މީޓަރުގެ ސަރަޙައްދެއްގައި ޕޭވްމެންޓް ހެދުމާއި މަގުބައްތި ހަރުކުރުން ވެސް ހިމެނޭ ކަމަށެވެ.
ހަންޏާމީދޫގައި މިހާރު ހަދާފައިހުރި ބަނދަރުގެ ނެރު ފުންކުރުމުގެ މަސައްކަތް މީގެ ކުރިންވެސް އެމްޓީސީސީން ވަނީ ކޮށްފައެވެ.