އައްޑޫ ވިސްނުމަކީ އަމިއްލަ ނޭފަތުކުރީގައި ތަޅުލެވިފައި ނުވާ ވިސްނުމެއް: ރައީސް ނަޝީދު

އައްޑޫ ތަރައްގީ ކުރުމުގެ ވިސްނުމަކީ އަބަދުވެސް ދުނިޔެއަށް ހުޅުވިފައިވާ ވިސްނުމެއް ކަމަށާއި، އެ ވިސްނުމަކީ އަމިއްލަ ނޭފަތުކުރީގައި ތަޅުލެވިފައިވާ ވިސްނުމެއް ނޫން ކަމަށް ރައްޔިތުންގެ މަޖިލީހުގެ ރައީސް އަދި ރާއްޖޭގެ ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.

އައްޑޫސިޓިގައި އިންޑިއާގެ ކޮންސިއުލޭޓެއް ޤާއިމުކުރުމަށް އިންޑިއާއިން ނިންމާފައިވާއިވާކަން ހާމަކުރި ހިސާބުން އެކަމާއި ގުޅޭގޮތުން ރައްޔިތުންނާއި ބައެއް ސިޔާސީ ބޭފުޅުންގެ މެދުގައިވެސް ވަނީ ހިޔާލުތަފާތުވުންތަކެއް އުފެދިފައެވެ. އައްޑޫގައި އިންޑިއާގެ ކޮންސިއުލޭޓެއް ގާއިމުކުރުމާއި ބެހޭގޮތުން ރައީސް ނަޝީދުގެ ވިސްނުން ހުރިގޮތް ކިޔައިދެއްވައި، ކުރެއްވި ޓްވީޓެއްގައި ވިދާޅުވީ، އައްޑޫގައި އިންޑިއާގެ ކޮންސިއުޓޭއް ގާއިމުކުރުމުން، އެކަމުން ދިވެހި ރާއްޖެއަށްވެސް އަދި އިންޑިއާއަށް ވެސް ލިބެން އޮތީ ފައިދާ ކަމަށެވެ.

Addu visnumakee abadhuves dhuniye ah hulhuvifaivaa visnumeh. Amilla neyfathukureegai thalhulevifa nuvaa visnumeh. Addu gai India Consulate eh gaaim kurumuge sababun Addu ah ves adhi Raajje ah ves libeyn othee faidhaa

— Mohamed Nasheed (@MohamedNasheed) June 5, 2021

މީގެއިތުރުން ރައީސް ނަޝީދު ވަނީ އެ ޓްވީޓްގައި އައްޑޫ ތަރައްގީ ކުރުމުގެ ވިސްނުމަކީ އަބަދުވެސް ދުނިޔެއަށް ހުޅުވިފައިވާ ވިސްނުމެއް ކަމަށާއި، އެ ވިސްނުމަކީ އަމިއްލަ ނޭފަތުކުރީގައި ތަޅުލެވިފައިވާ ވިސްނުމެއް ނޫން ކަންވެސް ފާހަގަކުރައްވައިފައެވެ.

އައްޑޫގައި ގާއިމުކުރަން މަސައްކަތް ކުރަމުންދާ އިންޑިއާގެ ކޮންސިއުލޭޓް އޮފީހާއި ދެކޮޅަށް ވަނީ “ސޭވް އައްޑޫ” ގެ ނަމުގައި ޕެނަލް ޑިސިކަޝަންތަކެއް ވެސް ފަށައިފައެވެ. އިންޑިއާގެ ކޮންސިއުލޭޓާއި ގުޅޭގޮތުން ރައީސް އިބްރާހިމް މުހައްމަދު ސޯލިހް އެންމެ ފަހުން ވިދާޅުވެފައިވަނީ، އެ ނިންމުމަކީ އިންޑިއާގެ ނިންމުމެއް ކަމަށާއި، އެކަމުގައި ދިވެހި ސަރުކާރުން ގޮތެއް ނުނިންމާކަމަށެވެ.