އިންޑިއާގެ ކޮވިޝީލްޑް ވެކްސިނުގެ ފުރަތަމަ ޑޯޒު ޖަހައިތާ 16 ހަފްތާ ފަހުންވެސް ދެވަނަ ޑޯޒު ޖެހޭނެ ކަމަށް އެޗްޕީއޭގެ އެޕިޑޮމޮލޮޖިސްޓް ޑރ. އިބްރާހިމް އަފްޒަލް ވިދާޅުވެއްޖެއެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ރޭ ބޭއްވި ނޫސްވެރިންގެ ބައްދަލުވުމުގައި، މައުލޫމާތު ދެމުން، ޑރ އަފްޒަލް ވިދާޅުވީ، ކޮވިޝީލްޑް ވެކްސިންގެ ދެވަނަ ޑޯޒު ޖެހުމަށް އޮންނަ 16 ހަފްތާ ފާއިތުވެގެން ދިޔަނަމަވެސް، ފުރަތަމަ ޑޯޒު ޖަހާފައިވާ މީހުންނަށް އެ މުއްދަތު ފަހަނަ އަޅައިދާ ފަހުންވެސް ވެކްސިން ޖަހައިދިނުމަށް ނިންމާފައިވާ ކަމަށެވެ.
ކޮވިޝީލްޑް ވެކްސިންގެ ދެވަނަ ޑޯޒު 16 ހަފްތާ ތެރޭގައި ނުޖަހައިފިނަމަ، ވެކްސިނުން ލިބެން ޖެހޭ ރައްކާތެރިކަން އެންމެ ފުރިހަމައަށް ނުލިބޭނެ ކަމަށެވެ. ފުރަތަމަ ޑޯޒު ޖަހައި ހިސާބުންވެސް ކޮވިޑް 19 އިން ވަރަށް ބޮޑަށް ރައްކާތެރިކަން ލިބޭނެއެވެ.
ކޮވިޝީލްޑް ވެކްސިންގެ ފުރަތަމަ ޑޯޒު ލައްކައަކަށް ވުރެ ގިނަ މިބުން ޖަހާފައިވަނިކޮށް، ރާއްޖެއިން ވަނީ ކޮވިޝީލްޑް ވެކްސިން ހުސްވެފައެވެ. ސަރުކާރުން ދަނީ ކަމާއި ގުޅޭ އިދާރާތަކާއި އެކުގައި ކޮވިޝީލްޑް ވެކްސިން އިންޑިއާ އަތުން ގަތުމަށް ގިނަ މަސައްކަތްތަކެއް ކުރަމުންނެވެ.
One Response
އަހަރުމެންނަށް އިގެޔޭ ޖެހީމަ ޖެހޭނެކަން ވެކްސިންޖަހާތާ އަހަރެއް ފަހުން ޖެހިޔަސް–އެކަމަކު އެއިން ރައްކާތެރިކަން ލިބޭނީ ކިހާވަރަކަން ބުނެދީބަލަ ތަފްސީލް ކޮށް