ހ. ތަރަބޫޒުގޭގެ އެއްވަނަ ފަންގިފިލާގައި ރޭ ހިނގި އަލިފާނުގެ ހާދިސާއާ ގުޅިގެން 30 މީހަކަށް އެހީތެރިކަން ފޯރުކޮށްދެވުނު ކަމުގައި ނޭޝަނަލް ޑިޒާސްޓާ މެނޭޖެމަންޓް އޮތޯރިޓީ(އެންޑީއެމްއޭ) އިން ބުނެފިއެވެ.
އެމްއެންޑީއެފުން ބުނީ އަލިފާނުގެ މި ހާދިސާ ހިނގާފައިވަނީ ހ. ތަރަބޫޒުގޭގެ އެއްވަނަ ފަންގިފިލާގައި ހުރި، މީހުން ދިރިނޫޅޭ އިންޑަސްޓްރިއަލް މަސައްކަތް ކުރާ ތަނެއްގައި ކަމުށާއި އެގޮތުން އެތަނުގައި ހުރީ އެންގްރޭވް ކުރަން ބޭނުންކުރާ ޒާތުގެ މެޝިންތަކެއް ކަަމަށެވެ.
އެމްއެންޑީއެފުން ބުނެފައިވަނީ އަލިފާން ރޯވެފައި ވަނީ އެންގްރޭވް ކުރަން ބޭނުންކުރާ ލޭޒާ މެޝިންތަކެއްގައި ކަމަށާއިނމި ހާދިސާގެ ރިޕޯޓް ލިބިފައިވަނީ ރޭ މެންދަމު 2:44ހާއިރު ކަމަށެވެ.
މި ހާދިސާއާއި ގުޅިގެން އެންޑީއެމްއޭއިން ބުނެފައިވަނީ އެ އިމާރާތުގައި އުޅުނު 30 ފަރާތަަކަށް އެހީތެރިކަން ފޯރުކޮށްދެވުނު އިރު، މިހާރު އެ ފަރާތްތައް ވަނީ ގެއަށް ބަދަލުކުރެވިފައިކަމަށެވެ.
