މަހަށް ގޮސް އުޅުނު މީހަކު ސްޓްރޯކެއް ޖެހިގެން މަރުވެއްޖެ

މަހަށް ގޮސް ހުއްޓާ ސްޓްރޯކެއް ޖެހި ކުއްލި ގޮތަކަށް މީހަކު މަރުވެއްޖެއެވެ.

ގދ. ތިނަދޫގައި ހުންނަ އަބްދުއްސަމަދު މެމޯރިއަލް ހޮސްޕިޓަލުން މިއަދު ބުނީ މަހަށް ގޮސް އުޅެނިކޮށް ހާލު ދެރަވި ދިވެހި ފިރިހެނަކު މިއަދު ހަވީރު 5:20 ހާއިރު އެމްއެންޑީއެފްގެ ސީ އެމްބިއުލާންސްގައި އެ ހޮސްޕިޓަލަށް ގެނެސްފައިވާ ކަމަށެވެ.

ހޮސްޕިޓަލަށް ގެނައި އިރުވެސް އެމީހާ ނޭވާ ނުލާ ކަމަށް ހޮސްޕިޓަލުން ބުންޏެވެ.

މަރުވެފައިވަނީ އުމުރުން 40 އަހަރުގެ ދިވެހި ފިރިހެނެކެވެ. އޭނާ މަހަށް ގޮސް އުޅުނު ދޯނިން މަސްވެރިކަން ކުރަމުން ދިޔައީ ގދ. ތިނަދޫ ހުޅަނގުން 33 ނޯޓިކަލް ބޭރުންނެވެ.