ލ. ފޮނަދޫ މަގުހެދުމުގެ މަސައްކަތުގެ ހޮޅިވަޅުލުމުގެ މަސައްކަތް ފަށައިފި

ލ. ފޮނަދޫ މަގުހެދުމުގެ މަޝްރޫއުގެ ދެވަނަ ފިޔަވަހީގެ ދަށުން، ފެންހިންދާ ހޮޅިވަޅުލުމުގެ މަސައްކަތް ވަނީ ފަށާފައެވެ.

އެގޮތުން މި މަސައްކަތް ފަށާފައިވަނީ 13 ޑިސެމްބަރ 2021 ވަނަ ދުވަހުއެވެ.

ލ. ފޮނަދޫ މަގުހެދުމުގެ މަޝްރޫއުގެ ދަށުން، 27،179 އަކަ މީޓަރުގެ ދުއްވާ ސަރަހައްދެއް ގާއިމުކުރުމާއި، 10،392 އަކަ މީޓަރުގެ ޕޭވްމަންޓް ހެދުމުގެ އިތުރުން ފެންހިންދާ ނިޒާމު ގާއިމުކުރުން ހިމެނެއެވެ. އަދި މަގުމަތީ ނިޝާން ހަރުކުރުމާއި، މަގުބައްތި ހަރުކުރުމުގެ މަސައްކަތް ވެސް ހިމެނެއެވެ.

މި މަޝްރޫއަކީ އެމްޓީސީސީ އާއި ހަވާލުކޮށްފައިވާ 53.9 މިލިއަން ރުފިޔާގެ މަޝްރޫއެކެވެ.