ލ. އަތޮޅުގެ 3 ރަށެއްގައި މަރުކަޒީ އިންޖީނުގޭގެ ބިންގާ އަޅައިފިއެވެ.
ލ. އިސްދޫ އާއި ކަލައިދޫ އަދި ދަނބިދޫގެ މަރުކަޒީ އިންޖީނުގޭގެ ބިންގާ އަޅުއްވައިދެއްވީ ފެނަކަ ކޯޕަރޭޝަންގެ އެމްޑީ އަހުމަދު ސައީދު އާއި ގަމު ދާއިރާގެ މެންބަރ މުޙައްމަދު ވިސާމް އާއި ކަލައިދޫ ކައުންސިލް ރައީސް އަހުމަދު ޝިޔާމް އަދި ދަނބިދޫ ކައުންސިލް ރައީސް އިބަރާހިމް މިމްރާހް އަޅުއްވައި ދެއްވައިފިއެވެ.
މި މަރުކަޒުގެ މައިގަނޑު ސިފަތަކުގެ ތެރޭގައި ޓެކްނިކަލް އޮފީސް ސްޕޭސް އާއި މީޓިންގ ރޫމް ހިމެނެއެވެ. އަދި 1.2 މެގަވޮޓްގެ 5 ބެޑް އާއި ބެޓަރީ ރޫމަކާއި ކޮންޓްރޯލް ރޫމް އަދި ބޭސްމެންޓް ވެސް ހިމެނެއެވެ.
މީގެއިތުރުން ގްރިޑް އިންޓަރކަނެކްޝަންގެ ތެރޭގައި އެސްސީޑީއޭ ސިސްޓަމް އާއިއެކު ސްޓޭޓް އޮފް ދަ އާޓް މޮޑާން ޕަވަރ ޕްލާންޓް އާއި ޑިސްޓްރިބިއުޝަން އޮޓޯމޭޝަން އާއިއެކު މީޑިއަމް ވޯލްޓޭޖް ގްރިޑްހިމެނެއެވެ. އަދި އައު އެމްވީ ގްރިޑްއަށް ޖުމްލަ 15 ކިލޯ މީޓަރުގެ މީޑިއަމް ވޯލްޓޭޖް (11 ކިލޯ ވޯލްޓް) ކޭބަލް އާއި އެލްވީ ގްރިޑް އަޕްޑޭޓްއަށް ޖުމްލަ 9.8 ކިލޯ މީޓަރުގެ ލޯ ވޯލްޓޭޖް (އެލްވީ) ކޭބަލް އަދި ލޯޑް ސެންޓަރުތަކަށް ޖުމްލަ 6 ޑިސްޓްރިބިއުޝަން ސަބްސްޓޭޝަން ހިމެނެއެވެ.