ރާއްޖޭގެ ވިޔަފާރި ވެރިއެއްކަމަށްވާ ޗަމްޕާ މުހައްމަދު މޫސާ (އުއްޗު) ގެ އުފަން ދުވަސް ފާހަގަކުރުމުގެ ދައުވަތު ރާއްޖޭގެ ޔޫތު މިނިސްޓރަ އަހުމަދު މަހްލޫފަށާއި ލަންކާގެ ޔޫތު މިނިސްޓަރު ނަމާލް ރާޖަޕަކްސަ އަށް ދެއްވައިފިއެވެ.
ޔޫތު މިނިސްޓަރު އަހުމަދު މަހްލޫފު ކުރެއްވި ޓްވީޓެއްގައި ވަނީ އުއްޗުގެ އުފަންދުވަސް ފާހަގަކުރުމަށް މިނިސްޓަރަށާއި ނަމާލްއަށް ދިން ދައުވަތަށް ޝުކުރު އަދާކޮށްފައެވެ. އަދި ޅ. މަޑިވަރުގައި އިއްޔެ ޓެސްޓް ފްލައިޓްތައް ޖައްސާފައިވާ އިރު، މި އެއާޕޯޓު ތަރައްގީ ކޮށްފައިވަނީ ޗަމްޕާ ބްރަދަރސް ކުންފުނިން ކަން ވެސް މަހްލޫފު ފާހަގަކުރެއްވި އެވެ.
Thank you Uchu for inviting me along with Minister @RajapaksaNamal for your birthday celebrations & for the historic test flight that was operated to LH. Madivaru Airport this morning developed by Champa Brothers. pic.twitter.com/u8waQ9oD8t
— Ahmed Mahloof (@AhmedMahloof) December 25, 2021
އިއްޔެ ހެނދުނު ޅ. މަޑިވަރު އެއާޕޯޓު ހުޅުވުމަށް ޓެސްޓް ފްލައިޓްތަކެއް ޖައްސާފައިވާ އިރު، މި ރަސްމިއްޔާތުގައި މަހްލޫފު ވަނީ ބައިވެރިވެވަޑައިގެންފައެވެ.
މީގެ ކުރިން، ރައީސް ޔާމީނުގެ ވެރިކަމުގައި އުއްޗުގެ އުފަންދުވަސް ފާހަގަކުރުމަށް އޭރުގެ ސިޔާސީ ވެރިންނަށް ދައުވަތު ދިނުމުން، އެމްޑީޕީގެ ފާޑުކިއުންތައް އަމާޒުވިއެވެ. އެމްޑީޕީ އިން އޭރު ބުނަމުން ދިޔައީ ސަރުކާރުގައި ތިއްބެވި ބޭފުޅުން ވިޔަފާރިވެރިންގެ ދަށުވަނީ ކަމަށެވެ. ނަމަވެސް ފާއިތުވެދިޔަ 2 އަހަރު ވެސް އުއްޗުގެ އުފަންދުވަސް ފާހަގަކުރުމަށް މި ސަރުކާރުގެ އިސްވެރިން ވަނީ ބައިވެރިވެފަ އެވެ.
advertisment