ސަރުކާރުން ކޮވިޑު 19 އަށް ހަރަދު ކުރާ ހަރަދުތަކުގެ ތަފާސްހިސާބުތައް ވަކި މުއްދަތަކާއި ހަމައަށް އާއްމު ކުރުން ހުއްޓާލައިފައިވާ އިރު، މި ތަފާސްހިސާބުތައް އާއްމުނުކުރާތާ 3 މަސް ވެއްޖެ އެވެ.
ކޮންމެ ހަފްތާއަކު އާއްމުކުރަމުން އައި ކޮވިޑަށް ހަރަދު ކުރެވޭ އަދަދުގެ ތަފާސްހިސާބުތައް އާއްމުކުރުން ހުއްޓާލާފައިވަނީ މިދިޔަ އަހަރުގެ އޮކްޓޯބަރު މަހުން ފެށިގެންނެވެ. އޮކްޓޯބަރު މަހުގެ 28 ވަނަ ދުވަހު އެންމެ ފަހުން މި އަދދަުތައް އާއްމުކޮށްފީ ނަމަވެސް، އެފަހުން އެއްވެސް މައުލޫމާތެއް އާއްމުކޮށްފައެއް ނެތެވެ.
ކޮވިޑާއި ދެކޮޅަށް ކުރި ހަރަދުތަކުގެ ތަފްސީލުތައް ދައްކާ ގޮތުގައި ހެލްތް މިނިސްޓްރީން 843 މިލިއަން ރުފިޔާ ހަރަދު ކުރި އެވެ. އަދި ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީއިން 784.4 ހަރަދުކޮށްފައިވާ އިރު، އައިޖީއެމްއެޗް އިން 193.2 މިލިއަން ރުފިޔާ ހަރަދުކޮށްފައިވެއެވެ.
މިނިސްޓްރީގެ ތަފާސްހިސާބުތަކުގެ ރިޕޯޓުގައި އެހެން އިދާރާތަކުން ވެސް ކޮވިޑަށް ހޭދަކުރާ މިންވަރު ތަފްސީލުކޮށް ބަޔާންކުރެވިފައިވެއެވެ. އޭގެ ތެރޭގައި ޕޮލިސް ސާވިސް އާއި، މިނިސްޓްރީ އޮފް ފޮރިން އެފެއާސް ވެސް ހިމެނެއެވެ.
ރާއްޖެއަށް ދިމާވި ބަލިމަޑުކަމުގެ ތެރެއިން، ކުރާ ހަރައްދުތައް ފިނޭންސް މިނިސްޓްރީން މިދިޔަ އަހަރުން ފެށިގެން ކޮންމެ ހަފްތާއަކު އާއްމު ކުރެ އެވެ، ނަމަވެސް ތަފާސް ހިސާބުތައް އާއްމު ކުރުން އޮކްޓޯބަރު ބަހު ހުއްޓާލައި ފިނޭންސްއިން ބުނީ ދެން ތަފާސްހިސާބުތައް އާއްމު ކުރަން ފަށާނީ ޖެނުއަރީ 15 އިން ފެށިގެން ކަމަށެވެ.
އެހެންނަމަވެސް އަދިވެސް މި މިނިސްޓްރީއިން ހަރަދުތަކުގެ ތަފާސްހިސާބުތައް އާއްމުކޮށްފައި ނުވެއެވެ.
ތަފާސްހިސާބުތައް އާއްމުންނާއި ހިއްސާކުރުން ހުއްޓާލާފައިވާ އިރު، މިކަމިގެ ސަބަބެއްގެ ގޮތުގައި މިނިސްޓްރީއިން ބުނެފައިވަނީ ކޮންމެ ހަފްތާއަކު ވެސް ކޮވިޑަށް އެއް މިންވަރަކަށް ހަރަދު ކުރުމުވެ.