ދިވެހިރާއްޖޭގައި ކޮވިޑު 19 ގެ ބޫސްޓަރ ޑޯޒް ޖެހި މީހުންގެ އަދަދު 40،000 އަށް ވުރެ މައްޗަށް އަރާފައިވާކަމަށް ތަފާސް ހިސާބުތަކުން ދައްކައިފި އެވެ.
ހެލްތު ޕްރޮޓޭކްޝަން އެޖެންސީ (އެޗްޕީއޭ) އިން އެންމެފަހުން އާންމުކުރި ތަފާސްހިސާބުތައް ދައްކާ ގޮތުން ރާއްޖޭގައި 40،571 މީހުން ވަނީ ބޫސްޓަރ ޑޯޒް ޖަހާފަ އެވެ. އެގޮތުން އިއްޔެ އެކަނި ވެސް މާލެއިން 2،562 މީހަކު ވަނީ ބޫސްޓަރ ޑޯޒް ޖަހާފައި ވެއެވެ.
އަތޮޅުތަކުގެ ތެރެއިން 284 މީހުން ވަނީ ބޫސްޓަރ ޑޯޒް ޖަހާފައެވެ. ކޮވިޑު 19 ގެ އައު ވޭރިއެންޓް ކަމަށްވާ “އޮމިކްރޯން” ދުނިޔޭގެ ހިސާބުތަކުގައި ފެތުރެމުން ދާތީ، އެކަމުން ރައްކާތެރިވުމަށް ރާއްޖޭގެ އާބާދީއަށް ބޫސްޓަރ ޑޮޒް ޖެހުމުގެ މަސައްކަތް ދަނީ ކުރަމުންނެވެ.
COVID-19 : Vaccination Updates
18.01.2022
Number of people who have received the first dose –
GMA: 37
Atolls: 5Number of people who have received the second dose –
GMA: 62
Atolls: 15Number of people who have received the booster dose –
GMA: 2,562
Atolls: 284 pic.twitter.com/Ln5RSNmaMi— Health Protection Agency (@HPA_MV) January 19, 2022
މިހާތަނަށް ރާއްޖޭގައި ކޮވިޑު 19 ވެކްސިންގެ ދެވަނަ ޑޯޒް ޖަހާފައިވާ މީހުންގެ އަދަދު 368،963 އަށް އަރާއިރު، ފުރަތަމަ ޑޯޒް ޖަހާފައިވާ މީހުންގެ އަދަދު 397،290 އަށް އަރަ އެވެ.