ރާއްޖޭގައި ޗާޕްކުރެވޭ ފޮތްތަކުގައި ހުންނަ ކީރިތި ގުރްއާނުގެ އާޔަތްތަކުގެ ކުށްހުރިތޯބަލައި ފާސްކުރާ ކޮމެޓީ ގެ ނަމުގައި ކޮމެޓީއެއް އެކުލަވާލައި އެކޮމެޓީގެ މެމްބަރުންނާއި އިސްލާމިކް މިނިސްޓަރ ޑރ. އަޙްމަދު ޒާހިރު ބައްދަލު ކުރައްވައިފިއެވެ.
މިކޮމެޓީ އުފެއްދުމުގެ މަގްސަދަކީ ރާއްޖޭގައި ތައްޔާރުކޮށް ޗާޕްކުރެވޭ ފޮތްތަކުގައި ލިޔެފައިހުންނަ ކީރިތި ގުރްއާންގެ އާޔަތްތަކުގައި ކުށްހުރުމާއި ގުޅިގެން އެކަމަށް ހައްލެއް ގެނައުމެވެ.
އަދި ކޮމެޓީގެ މަސައްކަތަކީ ރާއްޖޭގައި ޗާޕްކުރެވޭ ފޮތްތަކުގައި ހުންނަ ކީރިތި ގުރްއާނުގެ އާޔަތްތަކުގައި ކުށްހުރި ތޯ ބެލުމެވެ.
ރާއްޖޭގައި ޗާޕްކުރެވޭ ފޮތްތަކުގައި ހުންނަ ކީރިތި ޤުރްއާނުގެ އާޔަތްތަކުގެ ކުށްހުރިތޯބަލައި ފާސްކުރާ ކޮމެޓީ ގެ ނަމުގައި ކޮމެޓީއެއް އެކުލަވާލައްވައި އެކޮމެޓީގެ މެމްބަރުންނާއި މިނިސްޓަރ ޑރ. އަޙްމަދު ޒާހިރު ބައްދަލު ކުރައްވައިފިއެވެ. #MVIaffairs pic.twitter.com/mOUPNABfch
— Ministry of Islamic Affairs (@MVIaffairs) January 20, 2022
ކޮމިޓީގައި ޖުމްލަ 7 ބޭފުޅަކު ހިމެނިވަޑައިގަންނަވައެވެ. ކޮމިޓިގެ ޗެއަރ އެއްގެ ގޮތުގައި އަލްހާފިޒް ޑރ. މުހައްމަދު އިޔާޒް އަބްދުއްލަތީފް އައްޔަން ކޮށްފައިވާ އިރު، ވައިސް ޗެއަރ އެއްގެ ގޮތުގައި އައްޔަންކުރެވިފައިވަނީ އައްޝެއިހު އަލްހާފިޒު މުހައްމަދު ލަތީފެވެ. އަދި މީގެ އިތުރުން ކޮމިޓީގައި އައްޝެއިހު އަލްހާފިޒް އިބްރާހިމް ރަޝީދާއި، އައްޝެއިހު ނަސްރުﷲ އަލީ ގެ އިތުރުން އައްޝެއިހު އަހްމަދު ޝަފީގު، އައްޝެއިހު އަލްހާފިޒް އަލީ ނަޖީބާއި އަލްހާފިޒް އަބްދުﷲ މަސްއޫދު ހިމެނެއެވެ.