ބ، އަތޮޅުގެ ތިން ރަށެއްގެ ގޮނޑުދޮށް ހިމާޔަތްކުރުމުގެ މަޝްރޫއުގެ ދަށުން އެކަމަށް ކުރަންޖެހޭ ސާވޭ ނިންމާލާފައިވާކަމަށް އެމްޓީސީސީން ބުނެފި އެވެ.
މީޑިއާތަކަށް އެމްޓީސީސީން ބުނީ ބ. އަތޮޅު ދަރަވަންދޫ އާއި ކެންދޫގެ ގޮނޑުދޮށް ހިމާޔަތްކުރުމަށް ކުރަންޖެހޭ ސާވޭތައް މިހާރު ނިމިފައިވާ ކަމަށެވެ. އެގޮތުން، ބ. އަތޮޅު ކެންދޫގެ މެރިންސާވޭކޮށް ނިމިފައިވާ ކަމަށާއި އެ އަތޮޅު ދަރަވަންދޫގެ މެރިން އާއި ޓެރެސްޓިރިއަލް ސާވޭ ވެސް ނިމިފައިވާކަމަށް އެމްޓީސީސީން މައުލޫމާތު ދިނެވެ. ކުންފުނިން ބުނީ މިވަގުތު ކުރިއަށް ދަނީ ރ. އަލިފުށީގެ މެރިން އާއި ޓެރެސްޓިރިއަލް ސާވޭގެ މަސައްކަތްތައް ކަމުގައެވެ.
ބ. ދަރަވަންދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ މެރިންއާއި ޓެރެސްޓްރިއަލް ސަރވޭސްއާއި ބ. ކެންދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ މެރިން ސަރވޭ ނިމިއްޖެ. މިހާރު ކުރިއަށްދަނީ ރ. އަލިފުށީ ގޮނޑުދޮށް ހިމާޔަތް ކުރުމުގެ މަޝްރޫޢުގެ މެރިންއާއި ޓެރެސްޓްރިއަލް ސަރވޭ.#MTCCProjects pic.twitter.com/NTIcuKYALs
— MTCC Plc (@MTCCPlc) January 30, 2022
މެރިން ސާރވޭގެ ތެރޭގައި ހިމެނެނީ މަހުގެ ސެންސަސް، ފަރުތަކުގެ ބެންތިކް ކޮމްޕޮސިޝަނިންގެ ކޮލިޓޭޓިވް އެނާލިސިސް އާއި މެރިން ވޯޓަރ ސާމްޕލިންގ އެވެ. އަދި ހަމަ އެއާއި އެކު ޓެރެސްޓިރިއަލް ސާރވޭގެ ތެރޭގައި ހިމެނެނީ ސްޓޭކްހޯލްޑަރުންނާއި ކޮންސަލްޓެންޓްކުރުމާއި، ވެޖިޓޭޝަނަލް ޓްރާންސެކްޓް އާއި ބީޗް ޕްރޮފައިލް ކުރުމާއި ޝޯރލައިން އެނެލައިޒް ކުރުމެވެ.