“ސްކިލްސް ފޮރ އަ ރެޒެލިއެންޓް ވޯކްފޯސް” ޕްރޮގްރާމްގެ ދަށުން 350 ދަރިވަރުން ތަމްރީންކުރުމަށް އަމިއްލަ 3 ފަރާތަކާއި ހަވާލުކޮށްފިއެވެ.
މިނިސްޓްރީ އޮފް ހަޔަރ އެޑިއުކޭޝަންއިން ހިންގަމުންދާ “ސްކިލްސް ފޮރ އަ ރެޒެލިއެންޓް ވޯރކްފޯސް ޕްރޮގްރާމް”ގެ ދަށުން ޓެކްނިކަލް އަދި ވޮކޭޝަނަލް ދާއިރާއިން 11 ކޯހަކުން 350 ދަރިވަރުން ތަމްރީނުކުރުމަށް ވަނީ ހަމަޖެހިފައެވެ. އެ ދަރިވަރުން ތަމްރީންކުރަން ހަވާލުކޮށްފައިވަނީ ޒިކުރާ އިންޓަނޭޝަނަލް ކޮލެޖް، މޯލްޑިވްސް އިންސްޓިޓިއުޓް އޮފް ޓެކްނޮލޮޖީ އަދި މޯލްޑިވްސް މެރިޓައިމް އެކަޑެމީއާއެވެ.
Today,3 training providers were awarded 11 courses to train 350 students under the “Skills For a Resilient Workforce (SFRW)” program which is an initiative by @MOHEmv to build the nation with skilled & resilient youth. Congratulations! @mitmaldives @AcademyMaldives @Zikura pic.twitter.com/bCFcOLrJbR
— Ministry of Higher Education (@MoHEmv) February 24, 2022
ހަޔަރ އެޑިޔުކޭޝަން މިނިސްޓަރ ޑރ އިބްރާހިމް ހަސަން ވިދާޅުވީ މި ޕްރޮގްރާމްގެ ދަށުން އިތުރު 35 ކޯހަށް ކުރިމަތިލުމުގެ ފުރުސަތު ހުޅުވާލާނެ ކަމަށެވެ. އަދި ވަޒީފާ އަދާކުރަމުންވެސް ކޯސްތަކުގައި ބައިވެރިވެވޭނެކަމަށް ވިދާޅުވިއެވެ. މީހުން ބިނާ ކުރުމުގެ މަސައްކަތަކީ މި ސަރުކާރުން ޚާއްސަ އިސްކަމެއް ދެއްވައިގެން ކުރިއަށް ގެންދާ މަސައްކަތެއްކަން މިނިސްޓަރ ފާހަގަކުރެއްވިއެވެ.
މި ޕްރޮގްރާމުގެ ކޯސްތައް ހިންގަން ކަނޑައަޅާފައިވާ ދާއިރާތަކުގެ ތެރޭގައި ދަނޑުވެރިކަން، އައި.ސީ.ޓީ، ފަތުރުވެރިކަން އަދި އިމާރާތްކުރުމުގެ ދާއިރާއިން ގައުމީ ސަނަދު ލެވެލް 3 ގެ ކޯސްތައް ހިމެނެއެވެ.
advertisment