އަދުލުވެރިކަމަކީ ސިޔާސީ މަންފާއަކަށްޓަކައި ދައްކަންޖެހޭ މޫސުމީ ވާހަކައަކަށް ވެގެންނުވާނެކަމަށް ކުރީގެ އިސްލާމިކް މިނިސްޓަރު ޑރ.މުޙައްމަދު ޝަހީމް އަލީ ސައީދު ވިދާޅުވެއްޖެއެވެ.
އެއްޖިންސުން ގުޅުން ހިންގިކަމުގެ ތުހުމަތުގައި ސިޔާސީ އިސްފަރާތްތަކާއި އާއިލާގެ ބައެއް މެންބަރުން ހައްޔަރުކުރެވިފައިވާ މިދަނޑިވަޅުގައި ޝަހީމް ކުރެއްވި ޓުވީޓުގައިވަނީ އަދުލުވެރިކަމަކީ ﷲގެ ހަޒްރަތުގައި ވަރަށްބޮޑު ކަމެއްކަމަށާއި އެއީ ސިޔާސީ މަންފާއަށްޓަކައި ދައްކަންޖެހޭ މޫސުމީ ވާހަކައަކަށް ވެގެން ނުވާނެ ކަމަށެވެ. އަދި ހައްޤުގޮތުގައި އަދުލުވެރިކަން ޤާއިމްކުރުމަކީ މުއްސަންޖަކާ ފަޤީރެއް، ތިމާގެ މީހާއާއި އެނޫން މީހެއް ބެލުމެއްނެތި އިންސާފް ޤާއިމްކުރުންކަމުގައި އޭނާ ބުނެފައިވެއެވެ.
Adhuluverikamaki Allah ge Hazrathugai varah bodu kameh. Ee Siyaasee Manfaa ahttakai dhakkan jehey moosumi vaahaka akah vegen nuvaane. Haggu gothugai Adhuluverikan Qaaim kurumaki Muhsanjakaa Faqeereh, Thimaage Meehaa aa enoon Meeheh belumeh nethi insaaf Qaaim kurun.
— Mohamed Shaheem Ali Saeed (@Mohamedshaheem1) July 31, 2022
އެއްޖިންސުން ގުޅުން ހިންގިކަމުގެ ތުހުމަތުގައި ރައްޔިތުން މަޖިލީހުގް ރައީސް އަދި އެމްޑީޕީގެ ރައީސް މުހައްމަދު ނަޝީދުގެ ކޮއްކޯފުޅު ޤާނޫނީ ވަކީލް ނާޒިމް އަބްދުއްސައްތާރު ހައްޔަރުކޮށް ބަންދަށްވަނީ 7 ދުވަސް ޖަހާފައެވެ. އަދި އެމަނިކުފާނުގެ ކޮއްކޮ ހައްޔަރުކުރުމާއެކު އެމަނިކުފާނުވަނީ ކޮއްކޮ ދިފާޢުކޮށް ޓުވީޓުވެސް ކުރައްވާފައެވެ. ބެލެވޭ ގޮތުންނަމަ މިއީ ރައީސް ނަޝީދަށް ނުސީދާ ގޮތެއްގައި ނަމަވެސް ޑރ ޝަހީމް ދެއްވި ރައްދެކެވެ. އިންސާފުގެ ކުރިމަތީ ކޮށްކޮއެއް ބޭނެއެއް ތަފާތުކުރުމެއް ނޯންނާނެއެވެ.
