އިންތިހާބު ކާމިޔާބުކުރަން ޕީޕީއެމްއިން ޖެހޭނީ އެމްޑީޕީއިން އެކަން ކުރާގޮތް ދަސްކުރަން: އެމްޕީ ޝިފާއު

އިންތިޚާބު ކާމިޔާބު ކުރަން ބޭނުންވާނަމަ އިދިކޮޅު ޕާޓީ ޕީޕީއެމްއިން ޖެހޭނީ އެމްޑީޕީއިން އެކަން ކުރާގޮތް ދަސްކުރަންކަމަށް އިހަވަންދޫ ދާއިރާގެ މެންބަރު މުޙައްމަދު ޝިފާއު ވިދާޅުވެއްޖެއެވެ.

މިނިސްޓަރު މަހުލޫފްއަށް ޕީޕީއެމްއިން ވެރިކަން ކާމިޔާބުކުރުމަށް ގެންގުޅޭ ފޯމިއުލާ މިހާރު ނޭނގޭނެކަމަށާއި ފޯމިއުލާ މިހާރު އެއްކޮށް ބަދަލުކޮށްފައިވާކަމަށްބުނެ ޕީއެންސީގެ ނައިބުރައީސް އިބްރާޙިމް ޝުޖާޢު ކުރެއްވި ޓުވީޓަށް ރައްދު ދެއްވަމުން ޝިފާއު ވިދާޅުވީ މިހާތަނަށްވެސް އެމްޑީޕީއިން އިންތިހާބުތައް ކާމިޔާބުކޮށްފައި ވަނީ ޕީޕީއެމްގެ ފޯމިއުލާ ހޯދައިގެން ނޫނަކަމަށެވެ. އަދި ޕީޕީއެމްއިން އިންތިޚާބެއް ކާމިޔާބު ކުރައްން ބޭނުންވާނަމަ ޖެހޭނީ އެމްޑީޕީން އެކަން ކުރާ ގޮތް ދަސްކުރަން ކަމަށް ޝިފާއުގެ ރައްދު ޓުވީޓުގައިވެއެވެ.

މިހާތަނަށްވެސް @MDPSecretariat އިން އިންތިހާބުތަށް ކާމިޔާބުކުރީކީ ޕީ ޕީ އެމް ފޯމިއުލާއެއް ހޯދާގެނެއްނޫން. އިންތިހާބުކާމިޔާބުކުރަން ޕީ ޕީ އެމް އިންޖެހޭނީ އެމް ޑީ ޕީ އިން އެކަންކުރާގޮތް ދަސްކުރަން. https://t.co/rN49BHDN5G

— Mohamed Shifau (@mhshifau) July 31, 2022

އިންތިޚާބުގެ ފޯރި ގަދަވަމުން އަންނަ އިރު، 2023 ވަނަ އަހަރުގެ ރިޔާސީ އިންތިހާބުގައި އިދިކޮޅު  ޕްރޮގްރެސިވް ކޮންގްރެސް ކޯލިޝަނުގެ ފަރާތުން ވާދަކުރައްވާނީ ރައީސް އަބްދުﷲ ޔާމީން އަބްދުލް ޤައްޔޫމްކަމަށް އިއުލާނު ކޮށްފައިވަނީ ރޭގެ ވަގުތެއްގައެވެ.