ދުވާފަރު ކައުންސިލްގެ ބޮޑު ހިޔާނާތުގެ މައްސަލަ އެންޓި ކޮރަޕްޝަން ކޮމިޝަން (އޭސީސީ) އިން ތަހުޤީގުކުރުމަށް މިއަދު ނިންމައިފިއެވެ.
އޭސީސީގެ މީޑިއާ އޮފިޝަލް ހަސަން މަނިކު ވިދާޅުވީ، ދުވާފަރު ކައުންސިލާއި އަންހެނުންގެ ކޮމިޓީ އަށް ތުހުމަތުކުރާ ހިޔާނާތުގެ މައްސަލަ ދިރާސާކުރުމަށް ފަހު އެކަން ތަހުގީގުކުރަން ނިންމާފައިވާ ކަމަށެވެ.
ވާޏުވާނޭނގި ކައުންސިލްގހެ ބަޖެޓުން ކައުންސިލްގެ އެތައް މުއައްޒަފުންނެއްގެ އެކްއުންޓަށް ލާރިޖަމާކޮށް އެ ކައުންސިލްގެ ބަޖެޓުން 2 މިލިއަނަށްވުރެއް ގިނަ ފައިސާގެ ހިޔާނާތެއް އުޅޭކަން ރެއަކާ ލީ އެލްޖީއޭގެ ރިޕޯޓުންނެވެ.
އޭސީސީ އަށް އެ މައްސަލަ ހުށަހެޅީ ވެސް އެ އޮތޯރިޓީންނެވެ.
ލެޖީއޭގެ މޮނިޓަރިން ރިޕޯޓުގައި ވަނީ ލާމަރުކަޒީ ގާނޫނާއި، އެގާނޫނުގެ ދަށުން އެލްޖީއޭއިން އާންމުކޮށްފައިވާ އުސޫލުތަކާއި މާލިއްޔަތު ގާނޫނާއި، މާލިއްޔަތު ގަވާއިދާއި އަދިވެސް އެހެނިހެން ކަންކަމާ ގުޅުންހުރި ގާނޫނުތަކާއި ގަވާއިދުތަކަށް އެ ކައުންސިލުން އަމަލު ނުކުރާކަމަށެވެ.އަދި ކައުންސިލުން ނުގަވާއިދުން ކުރަމުން އަންނަ ކަންކަމާއި ކޮރަޕްޝަނަށް ފަހިވާ ގޮތަށް ކޮށްފައި ހުރި 34 ކަމެއް ފާހަގަކޮށް، އިސްލާހުކުރަން ލަފާދީފަ އެވެ.
އެގޮތުން ކައުންސިލަރުންގެ ޒިންމާތަކާއި، ވާޖިބުތައް އަދާކުރުމުގައި، ފަރުވާ ކުޑަކުރާ ކަމަށާއި، ކައުންސިލުން ބަލަހައްޓަންޖެހޭ އެއްވެސް ލިޔެކިޔުމެއް ގާނޫނުތަކާއި، ގަވާއިދުތަކާ އެއްގޮތަށް ބަލަހައްޓަމުން ނުގެންދާކަން ރިޕޯޓުގައި ފާހަގަކޮށްފައިވެއެވެ.
މީގެ އިތުރުން ދައުލަތުގެ މާލިއްޔަތު ގަވާއިދާ ޚިލާފަށް ކައުންސިލަރުންނާއި، އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ މެންބަރުންނާއި ކައުންސިލް އިދާރާގެ މުވައްޒަފުންގެ އަމިއްލަ އެކައުންޓަށް ގިނަ އަދަދެއްގެ ފައިސާ ޖަމާކުރުމާއި، ނަގުދު ފައިސާ އިން އެއްވެސް ހުއްދައެއް އަދި ލިޔެކިޔުމެއް ނެތި މުވައްޒަފުނަށް ގިނަ އަދަދެއްގެ ފައިސާ ހަވާލުކޮށްފައިވާކަން ފާހަގަކުރެއެވެ.