ރައީސް ސާލިހުގެ ވައުދުތަކަކީ، ފަލަމަޑީގެ ބާވަތެއް: މުހައްމަދު މުސްތަފާ

ރައީސުލްޖުމުހޫރިއްޔާ އިބްރާހިމް މުހައްމަދު ސާލިހު ރައްޔިތުންނަށް ފުއްދައިދޭން ވިދާޅުވި ވައުދުތަކަކީ، ފަލަމަޑީގެ ބާވަތެއްކަމަށް ރައްޔިތުންގެ މަޖިލީހުގެ ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާ (ތިމަރަފުށި މުސްތަފާ) ވިދާޅުވެއްޖެއެވެ.

ރައީސް ސާލިހު ވެރިކަމަށް ވަޑައިގަތުމަށް ރައްޔިތުންނަށް ވެފައިވާ ވައުދުތައް ނުފުއްދާކަމަށް ފާހަގަކުރައްވާ، މުސްތަފާ ވިދާޅުވީ، އެ މަނިކުފާނުގެ ވައުދުތައް ހުންނަނީ އަޑިއަށް މޫ ލާފައިކަމަށެވެ. އަދި އެ ވައުދުތައް އެންމެ އެއް ގޮތީ ފަލަމަޑީގެ ބާވަތްތަކާއި ކަމަށް ފާހަގަކުރައްވާ އެނާ ވިދާޅުވީ، ރައީސް ސާލިހު އެތައް ހާސް ފްލެޓުތަކެއް އެޅުއްވުމަށް ވައުދުވެފައިވާކަމަށެވެ. އެހެން ނަމަވެސް އެންމެ ތަނެއްވެސް މައްޗަށް އަރާ މަންޒަރު ނުފެންނަކަމަށް މުސްތަފާ ވިދާޅުވިއެވެ.

.@ibusolih ge Vaudhu thah vanee Adiah moolaafa eii Falamadee ge baavatheh. E than haas flat eh alhaane kamah ves Vidhaalhuvi enme thaneh ves mahchakah naaraa!!!

— Mohamed Musthafa (@Thimarafushi) August 31, 2022

100 Housing Unit Thimarafushee alhaa vaahaka eii ves Rahyithunah dhahkaagen ulhey nubai huvafeneh,TMF eii @ibusolih hasadha veri vefa oi Rasheh,TMF Magu thah hadhaa vaahaka ves Vidhaalhuvi,udha araafihyaa Adeega onna Rasheh mi sarkaarun Thimarafuhtan eh kameh ves nukohdhehvaane!

— Mohamed Musthafa (@Thimarafushi) September 1, 2022

ތިމަރަފުށީގައި 100 ހައުސިންގް ޔުނިޓު އަޅުއްވާނެކަމަށް ރައީސް ސާލިހު ވިދާޅުވެފައިވާކަމަށް އިޝާރާތްކުރައްވާ ވާހަކަދައްކަވަމުން، މުސްތަފާ ވިދާޅުވީ، އެ ރަށުގައި އެޅުމަށް ވިދާޅުވި، ހަައުސިން ޔުނިޓުތަކަކީ، ރައްޔިތުންނަށް ދައްކައިގެން އުޅޭ “ނުބައި ހުއަފެނެއްކަމަށެވެ.

މުސްތަފާ ވިދާޅުވީ، ތިމަރަފުއްޓަކީ، ރައީސް ސާލިހު ހަސަދަވެރިވާ ރަށެއްކަމަށެވެ. އަދި މަގުތައް ހަދާނެކަމަށް އެ މަނިކުފާނުވަނީ ވިދާޅުވެފައިކަމަށާއި، އެހެން ނަމަވެސް އެ ރަށަކީ، އުދަ އެރުމުން، ފެން ބޮޑުވާ ރަށަކަށް ވީއިރުވެސް، ރައީސް ސާލިހުގެ ސަރުކާރުން ތިމަރަފުށީގެން ހާލަތު ރަނގަޅު ކުރުމަށް އެއްވެސް ފިޔަވަޅުތަކެއް ނުނަންގަވާނެ ކަމަށްވެސް އެނާ ވިދާޅުވިއެވެ.

މުސްތަފާގެ ފާޑުކިޔުންތައް ރައީސް ސާލިހާއި، ސަރުކާރަށް އަމާޒުވީއިރު، އިންޑިއާގެ ކުންފުންޏަކާއި ހަވާލުކޮށްގެން ރާއްޖޭގައި އެޅުމަށް ކަނޑައެޅިފައިވާ ބުރިޖުގެ މަޝްރޫއު ކުރިއަށްދާ ދުވެއްޔާއިމެދު، ރައްޔިތުންގެ ފާޑުކިޔުންތައްވެސް އެމަނިކުފާނާއި، ސަރުކާރަށް އަމާޒުވެފައިވެއެވެ. އަދި ދާދި ފަހުން، ބުރިޖު އެޅުމަށް ގެންގުޅުނު ޕްލެޓުފޯރމު ފަރަށް އެރުމާއި އެކު، އެ މަޝްރޫޢު ކުރިއަށް ދާނެ ގޮތާއިމެދު ރައްޔިތުންނާއި ސިޔާސީ އިސްވެރިންގެ ތެރޭގައިވެސް ސުވާލުތައް އުފެދިފައިވެއެވެ.