ނަޝީދުގެ ބަހުގެ ހަމަލާ ޗައިނާއަށް: ބޮޑެތި ދަރަންޏަށް ވުރެ، އިންޑިއާގެ އައްޑޫ ގްރާންޓް ޕްރޮޖެކްޓުތައް މާ ރަނގަޅު!

އަވައްޓެރި އިންޑިއާގައި އިންޑިއާއިން ހިންގާ ކުދި ގްރާންޓު ޕްރޮޖެކްޓުތައް، ބިލިއަނުން ދަރަނިތައް އިތުރުވާ ޕްރޮޖެކްޓަށް ވުރެ ރަނގަޅުކަމަށް އެމްޑީޕީގެ ރައީސް، އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ސަރުކާރުގައި ދިވެހިރާއްޖެއާއި ގާތް ގުޅުމެއް އޮތް ޗައިނާއަށް އެމްޑީޕީގެ ފާޑުކިއުންތައް އެންމެ ބޮޑަށް އަމާޒު ކުރަނީ ލޯނުތަކާއި ގުޅުވަ އެވެ. ހާއްސަކޮށް ރައީސް ނަޝީދު ގަބޫލު ކުރައްވާ ގޮތުގައި އިގްތިސާދީ އެހީތެރިކަމުގެ ނަމުގައި އެ ގައުމުން ރާއްޖެ ޖެއްސީ، ދަރަނީގެ ދަންތުރައެއްގަ އެވެ. ރައީސް ނަޝީދު ވިދާޅުވީ ޗައިނާގެ ދަރަނީގެ ސަބަބުން ރާއްޖެއަށް ހަމަ ނޭވާ ލާނެ ފުރުސަތެއް ވެސް ނުލިބޭކަމަށެވެ.

ލޯނުތަކާއި ގުޅުވާ ރައީސް ނަޝީދު މީގެ ކުރިން ވެސް ތަފާތު އެކި ވާހަކަތައް ދައްކަވާފައި ވެއެވެ. އަދި އެ ވާހަކަތަކާއި ގުޅިގެން ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ބައެއް ފަހަރު ރައްދު ވެސް ދެއްވަ އެވެ.

Past 2 days in Addu I visited small grant projects funded by 🇮🇳: drugs detox centre, village fish plant, guesthouse tourism zone. They have a big +ve impact on local communities. Much better than mega-projects that plunge us billions of $ into debt 🙏🏾@DrSJaishankar @narendramodi pic.twitter.com/LLmsJE50S7

— Mohamed Nasheed (@MohamedNasheed) September 17, 2022

އައްޑޫ ސިޓީއަށް ކުރެއްވި ދެ ދަތުރަށް ފަހު ޓުވީޓެއް ކުރައްވައި ރައީސް ނަޝީދު ވިދާޅުވީ މިދިޔަ ދެ ދުވަހެއްގެ ތެރޭގައި އިންޑިއާއިން ފަންޑުކޮށްގެން ހިންގި ގްރާންޓު ޕްރޮޖެކްޓު ސައިޓުތަކަށް އެމަނިކުފާނު ޒިޔާރަތް ކުރެއްވި ކަމަށެވެ. އޭގެ ތެރޭގައި ޑްރަގްސް ޑިޓޮކްސްސިފިކޭޝަން ސެންޓަރާއި، ރަށުގެ މަސް ޕްލާންޓު އަދި ގެސްޓު ހައުސް ޓޫރިޒަމް ޒޯނުގެ އިތުރުން އެހެން ބައެއް ޕްރޮޖެކްޓުތައް ފާހަގަ ކުރެއްވި އެވެ. ރައީސް ނަޝީދު ސިފަ ކުރެއްވި ގޮތުގައި މިއީ އޭގެ ސަބަބުން މުޖްތަމައުއަށް ބޮޑެތި ފައިދާތަކެއް ކުރުވަނީ ޕްރޮޖެކްޓުތަކެކެވެ.

ރައީސް ނަޝީދު ވިދާޅުވީ، މިފަދަ ޕްރޮޖެކްޓުތައް ދަރަނިން ފުރިގެންވާ ޕްރޮޖެކްޓުތަކަށް ވުރެ މާ ރަނގަޅު ކަމަށެވެ. ރައީސް ނަޝީދު ވަނީ އިންޑިއާގެ އެހީގައި އައްޑޫގައި ހިންގާ މި ޕްރޮޖެކްޓުތަކަށް، އެގައުމުގެ ބޮޑުވަޒީރު ނަރެންދްރަ މޯދީއަށް ޝުކުރު އަދާ ކުރައްވާފަ އެވެ.