ރ އުނގޫފާރު މަގުހެދުމުގެ މަޝްރޫއުގެ (ދެވަނަ ފިޔަވަހި) ގެ ދަށުން ފެންހިންދާ ޓޭންކް ހަރުކުރުމުގެ މަސައްކަތް ނިމިއްޖެއެވެ.
ސެޓްލްމަންޓް ޓޭންކް ހަރުކުރުމުގެ މަސައްކަތުގެ 55 ޕަސެންޓް ނިމިފައިވާ ކަމަށް އެމްޓީސީސީއިން ވަނީ ބުނެފައެވެ.
މި މަޝްރޫއުގެ ދަށުން 7511.70 އަކަ މީޓަރުގެ ދުއްވާ ސަރަހައްދެއްގައި ސަބްގްރޭޑް، ސަބްބޭސް އަދި ތާރު އެޅުމަށް ވަނީ ހަމަޖެހިފައެވެ. އަދި 2291 އަކަ މީޓަރުގެ ސަރަހައްދެއްގައި ދުވާރު ހެދުމާއި، ފެންހިންދާ ނިޒާމް ގާއިމްކުރުމުގެ އިތުރުން މަގުމަތީ ނިޝާން ހަރުކުރުމާއި މަގުބައްތި ހަރުކުރުމަށް ވަނީ ހަމަޖެހިފައެވެ.
މި މަޝްރޫއަކީ 21.6 މިލިއަން ރުފިޔާގެ މަޝްރޫއެކެވެ.
