މިއަހަރުގެ ރޯދަމަހަށް ހާއްސަކޮށްގެން ކުރިއަށްގެންދާ ރެޑްވޭވްގެ ރޯދަ ސޭލް އަށް އާދަޔާ ހިލާފު ބޮޑު ތަރުހީބެއް ލިބެމުންދާ ކަމަށް އެކުންފުނިން ބުނެފިއެވެ.
ރާއްޖޭގައި އެންމެ ފުޅާ ދާއިރާއެއްގައި ސުޕަރމާކެޓް ހިންގަމުން އަންނަ ރެޑްވޭވުން 1444 ވަނަ އަހަރުގެ ރޯދަ ސޭލް އަށް ހާއްސަކޮށްގެން ރޯދަމަހަށް ބޭނުންވާ ކާބޯތަކެއްޗާއި، ބަދިގެ ސާމާނާއި ފަރުނީޗަރާއި ހިފާގެންގުޅޭ ސާމާނާއި އަންނައުނުން ބޮޑެތި ޑިސްކައުންޓެއް ލިބެމުން ދެއެވެ. އެގޮތުން ބައެއް އައިޓަމް ތަކުން 80 އިންސައްތަ އާއި ހަމައަށް އަގުތައް ވަނީ ތިރިކޮށްފައެވެ.
މި ޕްރޮމޯޝަންގެ މުއްދަތުގައި ރެޑްވޭވް އިން ކުރާ ކޮންމެ 500 ރުފިޔާގެ ވިޔަފާރިއަކަށް ކޫޕަނެއް ލިބޭނެއެވެ.
މި ޕްރޮމޯޝަންގައި ހިމެނޭ އެންމެ ހާއްސަ ކަމަކީ ނަގުދު ފައިސާއިން ބޮޑެތި ފައިސާގެ އިނާމްތަކެއް ލިބިގެން ދިއުމެވެ. އެގޮތުން އެއްވަނަ އަށް ހޮވޭ ފަރާތަކަށް 100،000 (އެއްލައްކަ) ރުފިޔާގެ ފައިސާގެ އިނާމު ލިބޭއިރު، ނަސީބުވެރި އިތުރު 5 ފަރާތަކަށް 10،000 (ދިހަހާސް) ރުފިޔާ ލިބިގެންދާނެއެވެ. އަދި މީގެ އިތުރުންވެސް ރެޑްވޭވް އިން ވިއްކާ ބްރޭންޑްތަކުން ގުރުއަތުން ހޮވާލެވޭ 5 ފަރާތަކަށް އަގުހުރި އެތައް އިނާމުތަކެއް ލިބޭނެއެވެ.
މި ޕްރޮމޯޝަން، އަންނަ އޭޕްރިލް މަހުގެ 20 ވަނަ ދުވަހާއި ހަމައަށް ކުރިއަށް ގެންދިއުމަށް ވަނީ ނިންމާފައެވެ.
ރާއްޖޭގެ ބާޒާރުގައި އެންމެ ކޮލިޓީ ރަނގަޅު، އަގުހެޔޮ މުދާ ވިއްކާ ރެޑްވޭވް އިން ކޮންމެ އަހަރަކުވެސް ރޯދަމަހާ ދިމާކޮށް ކުރިއަށް ގެންދާ މި ރޯދަ ސޭލަކީ ރައްޔިތުންގެ ބޮޑު ތަރުހީބެއް ލިބިފައިވާ ސޭލެކެވެ.