ރައްޔިތުންގެ މަޖިލީހުގެ ކ. ގުރައިދޫ ދާއިރާގެ ގޮނޑީގައި އިންނަވާ ބޭފުޅެއްގެ ކިބައިގައި ހުންނަންޖެހޭ ހުރިހާ ސިފައެއް، ޕީޕީއެމްގެ ކެނޑިޑޭޓު ހަސަން ރިޒާ އެބަހުރިކަމަށް ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުވެއްޖެއެވެ.
ރައްޔިތުންގެ މަޖިލީހުގެ ގުރައިދޫ ދާއިރާގެ ބައި- އިލެކްޝަން 2023 އޭޕްރިލް 15 ގައި ބޭއްވުމަށް ހަމަޖެހިފައިވާކަމަށް އިލެކްޝަންސް ކޮމިޝަނުން ވަނީ އިއުލާނުކޮށްފަ އެވެ.
ޕީޕީއެމްގެ ޓިކެޓުގައި މި ގޮނޑިއަށް ވާދަކުރުމަށް ހުޅުވާލި ފުރުސަތުގައި ހަމައެކަނި ކުރިމަތިލެއްވީ ހަސަން ރިޒާއެވެ. މިއީ މި ދާއިރާގެ މެންބަރުކަމުގައި ކުރިން ހުންނެވި އިބްރާހީމް ރިޒާގެ ކޮށްކޮއެވެ.
މިހާރު ބައި-އިލެކްޝަންގެ ކެމްޕެއިން ޕީޕީއެމްއިން ފަށާފައިވާއިރު، ކެމްޕެއިންގެ ތެރެއިން ނަގާފައިވާ ފޮޓޯޓަކެއް ހިއްސާކުރައްވާ ޝުޖާއު ވިދާޅުވެފައިވަނީ ރައްޔިތުންގެ މަޖިލީހުގައި ގުރައިދޫ ދާއިރާގެ ގޮނޑީގައި އިންނަވަން ޖެހޭނީ ހިތްހެޔޮ، އޯގާތެެރި، ޢިލްމީ، އަދި ރައްޔިތުންގެ އިހްސާސްތައް ދަންނަ ބޭފުޅެއްކަމަށް ދާއިރާގެ ރައްޔިތުން ބުނެފައިވާކަމަށެވެ.
ޝުޖާއު ވިދާޅުވީ ހަސަން ރިޒާގެ ކިބައިގައި މި ހުރިހާ ސިފައެއް ފުރިހަމަވާކަމަށެވެ.
ގުރައިދޫ ދާއިރާގެ ރައްޔިތުން ވިދާޅުވީ ރައްޔިތުންގެ މަޖިލީހުގައި އެބޭފުޅުންގެ ގޮނޑީގައި އިންނަވަން ޖެހޭނީ ހިތްހެޔޮ،އޯގާތެެރި،ޢިލްމީ،ރައްޔިތުންގެ އިހްސާސްތައް ދަންނަ ބޭފުޅެއްކަމަށާއި އެބޭފުޅަކީ @HussainRizaAdam ކަމަށް.މިހުރިހާ ސިފަތަކެއް ރިޟާގެ ކިބައިގައި އެބަހުރިކަމަށް. pic.twitter.com/4lo3J1NWRp
— Ibrahim Shujau (@IbrahimShujaau) March 18, 2023
އިންތިހާބުގައި އެމްޑީޕީ ޓިކެޓުގައި ވާދަ ކުރައްވަނީ، ޕާޓީގެ ދާއިރާގެ ރައީސެއްގެ މަގާމު އަދާކުރަމުން އައި އިބްރާހިމް ޝާޒެވެ. އެމްއެންޕީގެ ޓިކެޓުގައި ވާދަ ކުރައްވަނީ، އަލީ އާރިފެވެ.
މިއީ މަޖިލީހުގެ 19 ވަނަ ދައުރަށް ބައި އިލެކްޝަނެއް ބާއްވާ ދެވަނަ ފަހަރެވެ. މީގެ ކުރިން ބޭއްވީ ކޮމަންޑޫ ދާއިރާގެ މެމްބަރަކަށް ހުންނެވި ހުސެއިން ވަހީދު އަވަހާރަވުމުން އެ ދައިރާގެ ބައި އިލެކްޝަނެވެ.
advertisment