ރާއްޖޭގެ ގޮނޑުދޮށްތައް ހިމާޔަތްކުރުމަށް ޖަޕާނުގެ އެހީގައި އެއްބިލިއަން ރުފިޔާގެ މަޝްރޫއެއް ފަށަން ތައްޔާރުވެއްޖެއެވެ.
އެންވަޔަރަމަންޓް މިނިސްޓްރީގެ ފަރާތުން ބިލްޑިންގ ކްލައިމެޓް ރެސިލިއަންޓް އެންޑް ސޭފާ އައިލެންޑްސް އިން ދަ މޯލްޑިވްސް ގެ މަޝްރޫއުގައި ގޮނޑުދޮށްތައް ހިމާޔަތް ކުރުމަށް ވަނީ ނިންމާފައެވެ.
އެންވަޔަރަމަންޓް މިނިސްޓްރީގެ ފަރާތުން ނެރުނު ނޫސްބަޔާނެއްގައި ބުނީ ރެސިލިއަންޓް އެންޑް ސޭފާ އައިލެންޑްސް ޕްރޮޖެކްޓަކީ ރާއްޖޭގެ ރަށްރަށުގެ ގޮނޑުދޮށްތައް ހިމާޔަތްކުރުމުގެ މަސައްކަތް ހަރުދަނާކޮށް، މޫސުމީ ކާރިސާ ތަކުގެ އިންޒާރާއި މައުލޫމާތު ފޯރުކޮށްދޭ ނިޒާމު އިތުރަށް ހަރުދަނާ ކުރުމަށް ހިންގާ މަޝްރޫއެކެވެ.
Signing ceremony of the subsidiary agreement with @jica_direct_en for @theGCF funded ‘Building Climate Safer Resilient Islands in the Maldives’ project took place today 🇲🇻🇯🇵
The project brings integrated coastal zone management to islands in Laamu & Addu atolls @JapaninMaldives pic.twitter.com/vSTkESr3rv
— Min. of Environment, Climate Change and Technology (@MoEnvmv) April 6, 2023
މީގެ އިތުރުން އެންވަޔަރަމަންޓް މިނިސްޓްރީން ބުނީ އެ މަޝްރޫއުގެ މަގްސަދު ތަކުގެ ތެރޭގައި ކަނޑުގެ ލޮނުގަނޑު އުފުލޭ މިންވަރު އޮބްޒާވް ކުރުމުގެ ގާބިލުކަން އިތުރު ކުރުމާއި ރަށްރަށުގެ ގޮނޑުދޮށްތަކާއި ފަރުތަކާއި ލޭންޑް ޔޫސް ޕްލޭން މޮނިޓަރ ކުރާނެ ނިޒާމެއް ގާއިމްކުރުން ހިމެނޭ ކަމަށެވެ. އަދި ރަށްރަށުގެ ގޮނޑުދޮށުގައި ތަރައްގީގެ މަޝްރޫއުތައް ހިންގުމުގައި ގުދުރަތީ ވަސީލަތްތައް ހިމާޔަތްކޮށްގެން ކުރިއަށްގެންދިއުމަށް އިންޓަރގްރޭޓެޑް ކޯސްޓަލްޒޯން މެނޭޖްމަންޓް (އައިސީޒެޑްއެމް) އާއި ރަށްރަށުގެ ގޮނޑުދޮށާއި ފަރުތަކުގެ ހާލަތު މިހާރު ހުރިގޮތް ދެނެގަތުމަށް އިންވެންޓްރީ ސްޓަޑީ އަކާއި ރިސްކް އެސެސްމެންޓެއް ހެދުމަށް ތައްޔާރު ވަމުންދާ ކަމަށް އެންވަޔަރަމަންޓް މިނިސްޓްރީން ވަނީ ބުނެފައެވެ.
ބިލްޑިންގ ކްލައިމެޓް ރެސިލިއަންޓް އެންޑް ސޭފާ އައިލެންޑްސް އިން ދަ މޯލްޑިވްސް މަޝްރޫއުގެ ދަށުން ބައެއް ރަށްރަށުގެ ގޮނޑުދޮށް ހިމާޔަތް ކުރުމަށް ވަނީ ހަމަޖެހިފައެވެ. އެގޮތުން ލ އިސްދޫ އާއި ލ މާމެންދޫ އާއި ލ ފުނަދޫ އާއި ލ ގަމުގެ އިތުރުން ސ ފޭދޫގައި ކަނޑައެޅޭ ވަކި ސަރަހައްދުތަކެއްގައި ގޮނޑުދޮށް ހިމާޔަތް ކުރުމަށް ވަނީ ހަމަޖެހިފައެވެ. މި މަޝްރޫއަށް ގްރީން ކްލައިމެޓް ފަންޑުން 25.1 މިލިއަން އެމެރިކާ ޑޮލަރާއި ޖަޕާންގެ ޖައިކާގެ ފަރާތުން 35.4 އެމެރިކާ ޑޮލަރާއި ދިވެހި ސަރުކާރުގެ ފަރާތުން 5.5 މިލިއަން ޑޮލަރަށް ވާ ދިވެހި ފައިސާ އާއި ވަސީލަތް ހަމަޖެހިފައިވާ ކަމަށް އެންވަޔަރަމަންޓް މިނިސްޓްރީން ވަނީ ބުނެފައެވެ.
advertisment