ކުޑަ އަންހެން ކުއްޖަކަށް ޖިންސީ ގޯނާކުރި ދެ ފިރިހެނަކު ސައުތު ޕޮލިސް ޑިވިޒަނުން ހައްޔަރުކޮށްފިއެވެ.
ފުލުހުންބުނީ ހައްޔަރުކޮށްފައިވަނީ އުމުރުން 63 އަހަރުގެ ދިވެހި ފިރިހެނަކާއި 25 އަހަރުގެ ދިވެހި ފިރިހެނެކެވެ. މިދެ މީހުން ހައްޔަރުކޮށްފައިވަނީ އުމުރުން 13 އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއްގައެވެ.
ފުލުހުން ބުނި ގއ އާއި ގދ އަތޮޅާއި އައްޑޫ ސިޓީ ހިމެނޭހެން 13 އަހަރުގެ އަންހެން ކުއްޖަކަށް އިތުބާރު ކުރެވޭ މަގާމްގައި ހުރި މީހަކު ޖިންސީ ގޯނާ ކޮށްފައިވާ ކަމަށް 12 އޭޕްރިލް ވަނަ ދުވަހު ރިޕޯޓް ކޮށްފައިވާ ކަަމަށެވެ.
މައްސަލަ އާއި ގުޅިގެން އޭޕްރިލް 13 ވަނަ ދުވަހު ފުލުހުންވަނީ ކޯޓް އަމުރެއްގެ ދަށުން ދެ ފިރިހެނުން ހައްޔަރުކޮށްފައެވެ. އަދި އެމީހުންގެ ބަންދަށް 30 ދުވަސް ކޯޓުން ވަނީ ދީފައެވެ.
ފުލުހުން ބުނީ މި މައްސަލަ ދަނީ ތަހުގީގު ކުރަމުން ކަމަށެވެ.