މިއަހަރުގެ މުދަލުޒަކާތުގެ ގޮތުގައި ބޮލަކަށް 3500 ރުފިޔާ ބަހަން ނިންމައިފިއެވެ.
އިސްލާމިކް މިނިސްޓްރީގެ ފަރާތުން 14444 ވަނަ އަހަރުގެ ފަގީރުންގެ ދަފްތަރުގައި ހިމެނިފައިވާ ފަރާތްތަކަށް ޒަކާތުގެ ގޮތުގައި ދިނުމަށް ހަމަޖެހިފައިވާ އަދަދު ކަނޑައަޅައި އެކަން ވަނީ އިއުލާންކޮށްފައެވެ.
މުދަލުޒަކާތުގެ ގޮތުގައި ނިސާބަކީ 7062.65 ރުފިޔާ ކަމަށް އިސްލާމިކް މިނިސްޓްރީން ވަނީ ބުނެފައެވެ.
2016 ވަނަ އަހަރުގެ ޖޫންމަހުން ފެށިގެން މުދަލުޒަކާތް ބަލައިގަންނަނީ މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) މެދުވެރިކޮށެވެ. މީރާއިން ވަނީ މުދަލުޒަކާތް އޮންލައިންކޮށް ދެއްކޭނެ އިންތިޒާމް ހަމަޖައްސާފައެވެ.
ނިސާބު ހަމަވާ ވަރަށް އަތުގައި ފައިސާހުރެ ހިޖުރީގޮތުން އެއްއަހަރު ވުމުން އޭގެ 40 ބައިކުޅަ އެއްބައި، މުދަލުޒަކާތުގެ ގޮތުގައި ނެރުމަކީ ދީނީ ގޮތުން ވާޖިބު ކަމެކެވެ.
ކޮންމެ އަހަރަކުވެސް އިސްލާމިކް މިނިސްޓްރީގެ ފަރާތުން މުދަލުޒަކާތުގެ ދަފްތަރުގައި ރަޖިސްޓްރީވާ އަދި ޒަކާތް ހައްގުވާ ފަރާތްތަކަށް ޒަކާތް ދެމުންގެންދެއެވެ.
advertisment