ޕީއެންސީގެ ރައީސްއަކަށް އެ ޕާޓީގެ ޓިކެޓުގައި ވާދަކުރައްވައި ރިޔާސީ އިންތިހާބު ކާމިޔާބު ކުރެއްވި އިންތިޚާބީ ރައީސް ޑރ. މުހައްމަދު މުއިއްޒު ހަމަޖައްސައިފި އެވެ.
މިރޭ ބޭއްވި ޕީއެންސީގެ ގައުމީ މަޖިލީހުގެ ބައްދަލުވުމުގައި އެ ޕާޓީގެ ނައިބު ރައީސް އަކަށް ހަމަޖެއްސީ އިންތިޚާބީ ނައިބު ރައީސް ހުސައިން މުހައްމަދު ލަތީފު އެވެ. އަދި ޗެއާޕާސަން ކަމަށް ކަނޑައެޅީ، އެ ޕާޓީގެ ކުރީގެ ރައީސް އަބްދުއްރަހީމް އަބްދުﷲ އެވެ.
އެ ތިން ބޭފުޅުން ޕީއެންސީގެ އެންމެ އިސް ތިން މަގާމަށް ހަމަޖެއްސީ މިރޭ ބޭއްވި ބައްދަލުވުމުގައި ނެގި ވޯޓުގައި ބައިވެރިވި 40 މެމްބަރުންގެ އިއްތިފާގުން ކަމަށް އެ ޕާޓީން ބުނެ އެވެ.
PNC ge Memberunge Majlis ge badhdhalu vumeh mirey vanee bavvafa.
Mi badhdhaluvumugai PNC ge Raees kamuge magaamah Inthikhaaby Raees @MMuizzu , Chairperson kamuge magaamah PNC ge Raees kamuge magaamugai hunnevi @Banafsaa , PNC ge Naibu Raees kamuge magaamah Inthikhaaby Naibu… pic.twitter.com/aw3X7D6v4f— Progressive Party of Maldives (@ProgressPartyMV) October 4, 2023
ޕީޕީއެމްގެ ނައިބު ރައީސްގެ މަގާމުގައި ކުރިން ހުންނެވި މުއިއްޒު ޕީއެންސީއަށް ބަދަލުވެވަޑައިގަތީ، ރިޔާސީ ޓިކެޓު ހޯއްދެވުމަށްވެ. ފަރެސްމާތޮޑާގެ މެމްބަރު ހުސައިން ޕީޕީއެމްއިން ވަކިވެވަޑައިގެން ޕީއެންސީ އަށް ބަދަލުވި ކަން އެ ދެ ޕާޓީން ވެސް ކުރިން އިއުލާނެއް ނުކުރެ އެވެ. އެކަން އެނގިގެން ދިޔައީ ރައްޔިތުންގެ މަޖިލީހުގެ އިއްޔެގެ ޖަލްސާގައި ރިޔާސަތުން އެކަން އިއުލާނު ކުރުމުންނެވެ.
ތިން ހާސް މެމްބަރުންގެ ޕީއެންސީގެ ޓިކެޓުގައި މުއިއްޒު ރިޔާސީ އިންތިހާބުގައި ވާދަ ކުރައްވައި، އެމްޑީޕީގެ ކެންޑިޑޭޓު ރައީސް އިބްރާހިމް މުހައްމަދު ސޯލިހު ބަލިކުރައްވައި އިންތިހާބު ކާމިޔާބު ކުރެއްވީ 54 ޕަސެންޓު ވޯޓުންނެވެ. އެއީ 129,159 ވޯޓެވެ. ރައީސް ސޯލިހަށް ލިބިވަޑައިގަތީ 109,868 ވޯޓެވެ.
advertisment