ޕީޕަލްސް ނޭޝަނަލް ކޮންގްރެސް (ޕީއެންސީ)ގެ ޕާލިމަންޓްރީ ގްރޫޕުގެ ނައިބު ލީޑަރަކަށް ރައްޔިތުންގެ މަޖިލީހުގެ ފެލިދޫ ދާއިރާގެ މެންބަރު ފަޒުލް ރަޝީދު ހަމަޖައްސައިފިއެވެ.
އެ ޕާޓީގެ ޕީޖީ ލީޑަރު މަޑުއްވަރީ ދާއިރާގެ މެންބަރު އާދަމް ޝަރީފް އެކްސްގައި ކުރެއްވި ޕޯސްޓެއްގައި ވަނީ އެކަން އިއުލާނު ކުރައްވާ ފަޒުލްއަށް މަރުހަބާ ވިދާޅުވެފައެވެ. މީގެކުރިން ޕީއެންސީގެ ޕީޖީ ގުރޫޕްގެ ނައިބު ލީޑަރުގެ މަގާމަށް މީހަކު އައްޔަނުކޮށްފައެއް ނުވެއެވެ. އެހެން ކަމުން ފަޒުލްއަކީ އެ މަގާމު ފުރުއްވާ ފުރަތަމަ މެންބަރެވެ.
ރައްޔިތުންގެ މަޖިލީޙުގައި ޕީއެންސީ ތަމްސީލް ކުރަނީ ހަތަރު މެމްބަރުންނެވެ. އެއީ މަޑުއްވަރީ ދާއިރާގެ މެމްބަރު އާދަމް ޝަރީފް އުމަރާއި، ފަރެސް މާތޮޑާ ދާއިރާގެ މެމްބަރު ހުސެއިން މުހައްމަދު ލަތީފްއާއި، ފެލިދޫ ދާއިރާގެ މެމްބަރު ފަޒުލް ރަޝީދުގެ އިތުރުން މާވަށު ދާއިރާގެ މެމްބަރު މުހައްމަދު ސައީދުއެވެ.
advertisment