2024 ވަނަ އަހަރު އޮންނަ ރައްޔިތުންގެ މަޖިލީހުގެ އިންތިހާބުގައި ފަސް ދާއިރާއަކަށް ވާދަކުރުމަށް އަދާލަތު ޕާޓީން ނިންމައިފިއެވެ.
ރޭ ބޭއްވި އަދާލަތު ޕާޓީގެ އިދާރީ މަޖިލީހުގެ ބައްދަލުވުމުގައި 2024 ވަނަ އަހަރު ބާއްވާ ރައްޔިތުންގެ މަޖިލީހުގެ އިންތިހާބުގައި ފަސް ދާއިރާއަކަށް ވާދަކުރުމާ މެދު މަޝްވަރާ ކުރެވުނުކަމަށް އެ ޕާޓީއިން ވަނީ ބުނެފައެވެ. މިކަމާމެދު ގޮތެއް ނިންމުމުގެ ކުރިން ގޮފިތަކާއި ދާއިރާތަކާއި އިތުރަށް މަޝްވަރާ ކުރުމަށްވެސް އެއްބަސްވެވުނުކަމަށް ޕާޓީއިން ބުންޏެވެ.
ނަމަވެސް ވާދަކުރަނީ ކޮން ފަސް ދާއިރާއަކަށްކަމެއް ހާމައެއް ނުކުރެއެވެ.
18 ވަނަ ރައްޔިތުންގެ މަޖިލީހުގައި އަދާލަތު ޕާޓީގެ އެއް މެންބަރަކު ހުންނެވިއިރު، މި ހިނގާ 19 ވަނަ ރައްޔިތުންގެ މަޖިލީހުގައި އަދާލަތު ޕާޓީގެ އެއްވެސް މެންބަރަކު ނެތެވެ.
advertisment