ކުރީގެ ރައީސް އަބްދުﷲ ޔާމީން އަބްދުލް ގައްޔޫމް އަލަށް އުފައްދަވާ ސިޔާސީ ޕާޓީގެ ނަމަކީ “ޕީޕަލްސް ނެޝަނަލް ފްރޮންޓް” ކަން ހާމަކޮށްފިއެވެ.
ޕީއެންއެފްގެ “އެކްސް” އެކައުންޓްގައި އެޕާޓީގެ ލޯގޯ އާއި ކުލަ އާންމު ކޮށްފައިވާއިރު އެ ޕާޓީގެ ކުލައެއްގެ ގޮތުގައި ހަމަޖައްސާފައިވަނީ ދަނބުކުލައެވެ.
ޕީޕީއެމުން ވަކިވެ، އާ ޕާޓީއެއް ހެއްދެވުމަށް ރައީސް ޔާމީން ނިންމެވީ ޕާޓީގެ ލީޑާޝިޕުން އެމަނިކުފާނު އެއްފަރާތް ކޮށްފައިވާ ކަމަށް ވިދާޅުވެއެވެ.
ރައީސް ޑރ މުހައްމަދު މުއިއްޒުއަށް ފާޑުކިއުންތައް އަމާޒުވެފައި ވާއިރު ސަރުކާރުގެ ދިފާއުގައި ލީޑާޝިޕްގެ ގިނަ ބޭފުޅުން ވަނީ ވާހަކަ ދައްކަވާފައެވެ. ވަޒީރުން ވިދާޅުވެފައިވަނީ 5 އަހަރުގެ ވެރިކަމެއް ރައްޔިތުން ހަވާލުކޮށްފައިވާއިރު އެކަން ކުރުމަށް ރައީސް ޖާގަ ދިނުމަށެވެ.
advertisment