ރަޝިއާއިން ގިނަ އަދަދެއްގެ ޑްރޯން ބޭނުންކޮށްގެން ޔޫކްރެއިންއަށް ހަމަލާ ދީފި!

ރަޝިއާއިން ޔޫކްރެއިންއަށް ވަރުގަދަ ޑްރޯން ހަަމަލާތަކެއް ދީފިއެވެ.

މީޑިއާތަކުން ރިޕޯޓުކުރާގޮތުން، މިފަހުން ރަޝިއާއިން ދީފައިވާ ޑްރޯން ހަމަލާއަކީ ހަނގުރާމަ ފެށުމަށްފަހު ދީފައިވާ އެފަދަ އެންމެ ވަރުގަދަ ހަމަލާއެވެ. އަދި ހަމަލާ އަމާޒުކޮށްފައިވަނީ ޔޫކްރެއިންގެ ވެރިރަށް ކިއެވްއަށްކަމަށްވެސް ބުނެފައިވެއެވެ.

ރިޕޯޓުތަކުގައިވާގޮތުން، ރަޝިއާއިން ޔޫކްރެއިންއަށް ހަމަލާ ދިނުމަށް ބޭނުންކޮށްފައިވަނީ އީރާނުން ފަރުމާ ކުރާ ޝާހދިު ނަމަކަށް ކިޔާ ބާވަތެއްގެ ޑްރޯންތަކެއް ކަމަށާއި، 75 ޑްރޯން ޖުމުލަކޮށް ބޭނުންކުރި އިރު ޔޫކްރެއިންއިން 74 ޑްރޯން ހަލާކުކޮށްލިކަމަށްވެސް ބުނެފައިވެއެވެ. އެހެންނަމަވެސް އެ އަދަދުގެ ސައްހަކަމާއިމެދު ސުވާލު އުފެދޭކަމަށްވެސް ރިޕޯޓުތަކުގަިވއެވެ. ޔޫކްރެއިންގެ އެއަފޯސް ކޮމާންޑަރު ހާމަކޮށްފައިވާގޮތުން އެކި ސަރަހައްދުތަކަށް ހަމަލާ ދިންނަމަވެސް މައި އަމާޒަކީ ވެރިރަށެވެ.

ޔޫކްރެއިންގެ ވެރިރަށް އިދާރީ ގޮތުން ބެލެހެއްޓުމާއި ހަވާލުވެ ހުރި އިސް އޮފިޝަލަކުވެސް ވަނީ ފެނިދިޔަ މަންޒަރުތަކާއިމެދު ކަންބޮޑުވުން ފާޅުކޮށްފައިވާއިރު، ޔޫކްރެއިންގެ އެއަރޕޯސްގެ ސްޕޯކްސްޕާސަންވަނީ ޔަގީނުންވެސް 66 ޑްރޯންއެއް ހަލާކުކޮށްލެވުނުކަން ކަށަވަރުކޮށްދީފައެވެ.

މީޑިއާތަކުން ބުނާގޮތުން މި ހަމަލާގައި ޖުމުލަކޮށް ފަސް މީހަކަށް ގެއްލުން ލިބިފައިވާއިރު، އެއް ކުޑަކުއްޖަކުވެސް ހިމެނެއެވެ. އަދި ގިނަ އަދަދެއްގެ އިމާރާތަށް އެތައް ގަޑިއިރަކަށް ދެމިގެންދިޔަ މި ހަމަލާ ބަދަލުކުރުންތަކުގެ ަސަބަބުން ގެއްލުންތައް ލިބިފައިވާކަމަށް ބުނެފައިވެއެވެ.