ރައްޔިތުންގެ މަޖިލީހުގެ ނައިބު ރައިސް ކަމުގެ މަގާމަށް ހޯރަފުށީ ދާއިރާގެ އަހުމަދު ސަލީމް އިންތިހާބުވެއްޖެ އެވެ.
މަޖިލީހުގެ ނައިބު ރައީސްގެ މަގާމަށް ކުރިމަތިލުމަށް ހުށަހެޅި ނަންތަކުގެ ތެރެއިން މެމްބަރުން ހުށައެޅީ ހޯރަފުށީ ދާއިރާގެ މެމްބަރު އަހުމަދު ސަލީމްގެ ނަމާއި، ކާށިދޫ ދާއިރާގެ މަޖިލިސް މެމްބަރު އަބްދުﷲ ޖާބިރެގެ ނަމެވެ.
މިރޭގެ ޖަލްސާއަށް 73 މެމްބަރުން ހާޒިރުވި އެވެ. އޭގެ ތެރެއިން ގިނަ މެމްބަރުން މަޖިލީހުގެ ނައިބު ރައީސްކަމުގެ މަގާމު އަހުމަދު ސަލީމު ކަނޑައެޅުމަށް ފެންނަ ކަމަށް ވޯޓް ދެއްވާފއެވެ.
މަޖިލީހުގެ ނައިބު ރައީސްކަމުން ގަލޮޅު އުތުރު ދާއިރާގެ މެމްބަރު އީވާ އަބްދުﷲ ވަކި ކުރުމަށް ހުށަހެޅި މައްސަލައިގެ ގަރާރު މިއަދަށް ތާވަލު ކުރުމުން ވޯޓަށް އެހުމުގެ ކުރިން އީވާ ވަނީ މިއީ ޒާތީ ބަދަލު ހިފުމެއްކަމަށް ސިފަ ކުރެއްވުމަށް ފަހު މަގާމުން އިސްތިއުފާ ދެއްވާފަ ޖަވާބުދާރީވުމަށް ދިން 30 މިނެޓުގެ ފުރުސަތުގައި އީވާ ވަނީ، މަޖިލީހުގެ އެއްވެސް މެމްބަރަކަށް އޭނާ މަގާމުގެ މަސްއޫލިއްޔަތު އަދާކުރުމުގައި ޒިންމާދާރުކަން ކުޑަކޮށް އަމަލުތައް ބަހައްޓައި ނާގާބިލުވިކަމަށް ގަބޫލު ނުކުރާނެ ކަމަށެވެ. އަދި އިތުބާރު ނެތްކަމުގެ މައްސަލައަކީ އީވާ ސިފަ ކުރެއްވި ގޮތުގައި އެމްޑީޕީގެ ސަރުކާރާއި ދެކޮޅަށް ވާހަކަ ދެއްކުމުގެ ސަބަބުން ދޭ އަދަބެކެވެ.
advertisment